ਰਿਟਰਨਿੰਗ ਅਫਸਰ ਚਰਨੇਦਵ ਸਿੰਘ ਮਾਨ ਨੇ ਕੀਤੀ ਈਵੀਐਮ ਮਸ਼ੀਨਾਂ ਦੀ ਜਾਂਚ

ਫਾਜਿਲਕਾ ,  13 ਮਾਰਚ (ਵਿਨੀਤ ਅਰੋੜਾ)-  ਜਿਲਾ ਪ੍ਰਸ਼ਾਸਨ ਵਲੋਂ ਪੰਜਾਬ ਭਰ ਵਿੱਚ 30 ਅਪ੍ਰੈਲ ਨੂੰ ਹੋਣ ਵਾਲੇ ਲੋਕਸਭਾ ਚੋਣਾਂ ਲਈ ਤਿਆਰੀਆਂ ਪੂਰੇ ਜੋਬਨ ਤੇ ਚੱਲ ਰਹੀਆਂ ਹਨ । ਇਸੇ ਕੜੀ  ਦੇ ਚਲਦੇ ਇਲੈਕਸ਼ਨ ਕਮਿਸ਼ਨਰ ਦੁਆਰਾ ਚੋਣਾਂ ਦੌਰਾਨ ਪ੍ਰਯੋਗ ਕੀਤੇ ਜਾਣ ਵਾਲੀ ਈਵੀਐਸ ਮਸ਼ੀਨਾਂ ਦੀ ਇੱਕ ਵੱਡੀ ਖੇਪ ਫਾਜਿਲਕਾ ਵਿੱਚ ਪਹੁੰਚ ਗਈ ਹੈ ਜਿਨੂੰ ਸਥਾਨਕ ਬੀਡੀਪੀਓ ਦਫ਼ਤਰ ਵਿੱਚ ਰਖਵਾਇਆ ਗਿਆ ਹੈ । ਅੱਜ ਫਾਜਿਲਕਾ ਰਿਟਰਨਿੰਗ ਅਫਸਰ ਕਮ ਉਪਮੰਡਲ ਅਧਿਕਾਰੀ ਸ. ਚਰਨਦੇਵ  ਸਿੰਘ ਮਾਨ  ਅਤੇ ਹੋਰਨਾਂ ਅਧਿਕਾਰੀਆਂ ਨੇ ਬੀਡੀਪੀਓ ਦਫ਼ਤਰ ਵਿੱਚ ਮਸ਼ੀਨਾਂ ਦੀ ਜਾਂਚ ਕਰਨ ਤੋਂ ਬਾਅਦ ਕਮਰੇ ਵਿੱਚ ਬੰਦ ਕਰ ਦਿੱਤਾ । ਇਸ ਤੋਂ ਇਲਾਵਾ ਚੋਣ ਸਬੰਧੀ ਹੋਰ ਤਿਆਰੀਆਂ ਦਾ ਵੀ ਜਾਇਜਾ ਲਿਆ ਗਿਆ । ਅੱਜ ਬੀਡੀਪੀਓ ਦਫ਼ਤਰ ਪ੍ਰਸ਼ਾਸਨ ਦੁਆਰਾ ਸਖ਼ਤ ਨਿਗਰਾਨੀ ਰੱਖੀ ਗਈ ਅਤੇ ਰਸਤਾ ਵੀ ਬੰਦ ਰੱਖਿਆ ਗਿਆ ।