ਪੰਜਾਬ ਨੂੰ ਭ੍ਰਿਸਟਾਚਾਰ ਤੇ ਨਸ਼ਾਮੁਕਤ ਕਰਨਾ ਐਂਟੀ ਕੁਰੈਪਸ਼ਨ ਦਾ ਸੁਪਨਾ – ਚੀਨੂੰ

ਪੱਟੀਫ਼ ਖਾਲੜਾ, 21 ਮਾਰਚ (ਰਣਜੀਤ ਸਿੰਘ ਮਾਹਲਾ, ਅਵਤਾਰ ਸਿੰਘ ਢਿਲੋਂ, ਲਖਵਿੰਦਰ ਸਿੰਘ ਗੋਲਣ)- ਕਸਬਾ ਖਾਲੜਾ ਵਿੱਚ ਆਲ ਇੰਡੀਆ ਐਂਟੀ ਕੁਰੈਪਸ਼ਨ ਮੋਰਚੇ ਦੀ ਸਬ ਆਫਿਸ ਵਿੱਚ ਮੀਟਿੰਗ ਹੋਈ, ਜਿਸ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਪ੍ਰਧਾਨ ਅਜੇ ਕੁਮਾਰ ਚੀਨੂੰ ਨੇ ਕਿਹਾ ਕਿ ਰਾਸਟਰੀ ਪ੍ਰਧਾਨ ਮਹੰਤ ਰਾਮੇਸ਼ਨੰਦ ਸਰਸਵਤੀ ਦੀ ਯੋਗ ਅਗਵਾਈ ਹੇਠ ਸੂਬੇ ਨੂੰ ਭ੍ਰਿਸਟਾਚਾਰ ਤੇ ਨਸ਼ਾ ਮੁਰਤ ਕਰਨਾ ਏ.ਆਈ.ਏ.ਸੀ.ਐਮ ਦਾ ਮੁੱਖ ਸੁਪਣਾ ਹੈ।ਉਹਨਾ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਮੋਰਚੇ ਦੇ ਵਰਕਰਾਂ ਤੇ ਆਮ ਲੋਕਾ ਦੀ ਸਹਿਯੋਗ ਨਾਲ ਸੂਬੇ ਨੂੰ ਇਹਨਾ ਸਮਾਜਿਕ ਬੁਰਾਈਆਂ ਨੂੰ ਖਤਮ ਕਰਨ ਲਈ ਦਿਨ ਰਾਤ ਮਿਹਨਤ ਕੀਤੀ ਜਾਵੇਗੀ। ਇਸ ਮੌਕੇ ਮੁੱਖ ਸਲਾਹਕਾਰ ਪੰਜਾਬ ਪ੍ਰਮਿੰਦਰ ਸਿੰਘ ਹੀਰਾ ਨੇ ਕਿਹਾ ਕਿ ਥਾਣਿਆਂ ਅਤੇ ਤਹਸੀਲਾਂ ਵਿੱਚੋ ਰਾਜਨਿਤਕ ਦਖਲਅੰਦਾਜ਼ੀ ਬੰਦ ਕਰਵਾਈ ਜਾਵੇਗੀ ਤਾਂ ਕਿ ਹਰੇਕ ਪੀੜਤ ਨੁੰ ਸਰਕਾਰੀ ਦਫਤਰਾਂ ਵਿੱਚ ਇਨਸਾਫ ਮਿਲ ਸਕੇ।ਮੋਰਚੇ ਦੇ ਅਧਿਕਾਰੀਆਂ ਨੇ ਨਵੇਂ ਵਰਕਰਾਂ ਦੀ ਭਰਤੀ ਕੀਤੀ ।ਜਿਲਾ ਪ੍ਰਧਾਨ ਪਲਵਿੰਦਰ ਸਿੰਘ ਨੇ ਲੋਕਾਂ ਨੂੰ ਸਮਾਜਿਕ ਕੁਰੀਤਿੀਆਂ ਖਿਲਾਫ ਡਟਣ ਦਾ ਸੱਦਾ ਦਿੱਤਾ।
ਇਸ ਮੋਕੇ ਤੇ ਜਿਲਾ ਪ੍ਰਧਾਨ ਪਲਵਿੰਦਰ ਜੀਤ ਸਿੰਘ, ਮੀਡੀਆ ਇੰਚਾਰਜ ਪਲਵਿੰਦਰ ਸਿੰਘ, ਜਸਵੰਤ ਸਿੰਘ ਦੁੱਬਲੀ ਸ਼ਹਿਰੀ ਪ੍ਰਧਾਨ ਪੱਟੀ, ਗੁਰਪ੍ਰੀਤ ਸਿੰਘ, ਪ੍ਰਗਟ ਸਿੰਘ, ਗੁਰਪ੍ਰੀਤ ਸਿੰਘ ਗੋਲਾ, ਨਿਸ਼ਾਨ ਸਿੰਘ, ਕਵਲਦੀਪ ਸਿੰਘ, ਕਿਰਪਾਲ ਸਿੰਘ ਸੋਹਲ, ਬਾਬਾ ਸਤਨਾਮ ਸਿੰਘ ਖਾਲੜਾ, ਜਥੇਦਾਰ ਇੰਦਰ ਸਿੰਘ, ਰਾਮ ਪ੍ਰਕਾਸ ਸ਼ਰਮਾ, ਬਲਕਾਰ ਸਿੰਘ ਆਦਿ ਹਾਜਰ ਸਨ।