ਬਾਬਾ ਜੀਵਨ ਸਿੰਘ ਬੁੰਗੇ ਦਾ ਉਦਘਾਟਨ ਰੁਕਿਆ

ਅੰਮ੍ਰਿਤਸਰ, 25 ਅਗਸਤ (ਗੁਰਪ੍ਰੀਤ ਸਿੰਘ) – ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਵਧੀਕ ਸਕੱਤਰ ਤੇ ਬੁਲਾਰੇ ਸ.ਦਿਲਜੀਤ ਸਿੰਘ ਬੇਦੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸ੍ਰੀ ਗੁਰੂ ਰਾਮਦਾਸ ਲੰਗਰ ਦੇ ਨਜਦੀਕ ਪੈਂਦੀ ਡਿਓੜੀ ਦੇ ਲਾਗੇ ਤਿਆਰ ਕੀਤੇ ਬਾਬਾ ਜੀਵਨ ਸਿੰਘ ਬੁੰਗੇ ਦਾ ਉਦਘਾਟਨ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਸ. ਬੇਦੀ ਨੇ ਦੱਸਿਆ ਕਿ ਪਹਿਲਾਂ ਇਸ ਬੁੰਗੇ ਦਾ ਉਦਘਾਟਨ 30 ਅਗਸਤ ਨੂੰ ਹੋਣਾ ਸੀ, ਪਰ ਜਥੇਦਾਰ ਅਵਤਾਰ ਸਿੰਘ ਪ੍ਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਕੁਝ ਜ਼ਰੂਰੀ ਪੰਥਕ ਰੁਝੇਵਿਆਂ ਕਾਰਨ ਫਿਲਹਾਲ ਉਦਘਾਟਨ ਨਹੀਂ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਬੁੰਗੇ ਦੇ ਉੱਦਘਾਟਨ ਦੀ ਅਗਲੀ ਤਰੀਖ ਪ੍ਰਧਾਨ ਸਾਹਿਬ ਨਾਲ ਸਲਾਹ ਮਸ਼ਵਰਾ ਕਰਕੇ ਬਾਅਦ ਵਿੱਚ ਨੀਯਤ ਕੀਤੀ ਜਾਵੇਗੀ।