Punjab Post Daily Online Newspaper & Print Media
ਮੇਰੇ ਸ਼ਬਦਾਂ `ਚ ਜਨੂੰਨ ਬਗਾਵਤ ਲਿਖਦਾ ਹਾਂ।
ਕਰਦਾ ਮੇਹਰ ਤਾਂ ਉਸ ਦੀ ਇਬਾਦਤ ਲਿਖਦਾ ਹਾਂ।
ਸੁਲਗੇ ਜਦ ਵੀ ਮੇਰੇ ਵਤਨ `ਚ ਭੈੜੀ ਨਫਰਤ,
ਮੈਂ ਸ਼ਬਦਾਂ ਅੰਦਰ ਇਸ ਦੀ ਹਿਫਾਜ਼ਤ ਲਿਖਦਾ ਹਾਂ।
ਆਵੇ ਸਭ ਦੇ ਚਿਹਰੇ `ਤੇ ਮੁਸਕਾਨ ਸਦਾ ਹੀ,
ਮੁਹੱਬਤ ਦੀ ਐਸੀ ਮੈਂ ਤਾਂ ਇਬਾਰਤ ਲਿਖਦਾ ਹਾਂ।
ਨਾ ਹੋਵੇ ਹਰਗਿਜ਼ ਹੀ ਪਰੇਸ਼ਾਨ ਦਿਲਬਰ ਪੜ੍ਹ ਕੇ,
ਤਾਂ ਹੀ ਖਤ ਵਿੱਚ ਸਲਾਮਤ ਲਿਖਦਾ ਹਾਂ।
ਮੈਂ ਤੈਥੋਂ ਹਾਂ ਰੁੱਸਿਆ ਯਾਰਾ ਸੁਣ ਮੇਰੀ ਤੂੰ
ਰੁੱਸਾਂ ਨਾ ਤਾਂ ਵੀ ਨਾਲ ਸ਼ਰਾਰਤ ਲਿਖਦਾ ਹਾਂ ।
ਹਰਦੀਪ ਬਿਰਦੀ
ਮੋ – 9041600900
