ਕੈਪਟਨ ਅਭਿਮਨਿਊ ਤੇ ਸ਼ਵੇਤ ਮਲਿਕ 26 ਮਾਰਚ ਨੂੰ ਹੋਣਗੇ ਭਾਜਪਾ ਵਰਕਰਾਂ ਦੇ ਰੂ-ਬ-ਰੂ

ਅੰਮ੍ਰਿਤਸਰ, 22 ਮਾਰਚ (ਪੰਜਾਬ ਪੋਸਟ- ਜਗਦੀਪ ਸਿੰਘ ਸੱਗੁ) – ਭਾਰਤੀ ਜਨਤਾ ਪਾਰਟੀ ਜਿਲਾ ਅਮ੍ਰਿਤਸਰ ਦੀ ਇੱਕ ਮੀਟਿੰਗ ਜਿਲਾ ਪ੍ਰਧਾਨ ਆਨੰਦ ਸ਼ਰਮਾ ਦੀ ਪ੍ਰਧਾਨਗੀ `ਚ ਸਥਾਨਕ ਖੰਨਾ ਸਮਾਰਕ ਸਥਿਤ ਭਾਜਪਾ ਦਫਤਰ `ਚ ਹੋਈ।ਜਿਸ ਵਿੱਚ ਬੀਤੇੇ ਦਿਨੀ ਚਲਾਣਾ ਕਰ ਗਏ ਆਰ.ਐਸ.ਐਸ ਆਗੂ ਤੇ ਗੋਆ ਦੇ ਮੁੱਖ ਮੰਤਰੀ ਤੇ ਸਾਬਕਾ ਰੱਖਿਆ ਮੰਤਰੀ ਮਨੋਹਰ ਪਾਰੀਕਰ ਨੂੰ ਦੋ ਮਿੰਟ ਦਾ ਮੋਨ ਧਾਰਨ ਕਰ ਕੇ ਕਰ ਸ਼ਰਧਾਂਜਲੀ ਭੇਟ ਕੀਤੀ ਗਈ।  
     ਇਸ ਸਮੇਂ ਆਨੰਦ ਸ਼ਰਮਾ ਨੇ ਦੱਸਿਆ ਕਿ ਲੋਕ ਸਭਾ ਚੋਣ ਦੇ ਮੱਦੇਨਜ਼ਰ 26 ਮਾਰਚ ਦਿਨ ਮੰਗਲਵਾਰ ਨੂੰ ਬਾਅਦ ਦੁਪਹਿਰ 3.00 ਵਜੇ ਕੰਵਰ ਰਿਜ਼ਾਰਟ ਜੀ.ਟੀ ਰੋਡ ਵਿਖੇ ਭਾਜਪਾ ਵਰਕਰਾਂ ਦਾ ਸੰਮੇਲਨ ਕਰਵਾਇਆ ਜਾ ਰਿਹਾ ਹੈ।ਜਿਸ ਵਿੱਚ ਲੋਕ ਸਭਾ ਚੋਣਾਂ ਲਈ ਭਾਜਪਾ ਇੰਚਾਰਜ ਤੇ ਹਰਿਆਣਾ ਦੇ ਵਿੱਤ ਮੰਤਰੀ ਕੈਪਟਨ ਅਭਿਮਨਿਉ ਅਤੇ ਪ੍ਰਦੇਸ਼ ਭਾਜਪਾ ਪ੍ਰਧਾਨ ਤੇ ਰਾਜ ਸਭਾ ਮੈਂਬਰ ਸ਼ਵੇਤ ਮਲਿਕ ਵਰਕਰਾਂ ਦੇ ਰੂਬਰੂ ਹੋਣਗੇ ।  
      ਇਸ ਮੌਕੇ ਜਿਲਾ ਉਪ ਪ੍ਰਧਾਨ ਰਾਕੇਸ਼ ਸ਼ਰਮਾ, ਜੋਤੀ ਬਾਲਾ, ਮੀਨੂ ਸਹਿਗਲ, ਜਿਲਾ ਮਹਿਲਾ ਮੋਰਚਾ ਪ੍ਰਧਾਨ ਅਲਕਾ ਸ਼ਰਮਾ, ਕਿਸਾਨ ਮੋਰਚਾ ਪ੍ਰਧਾਨ ਗੁਰਮੁੱਖ ਸਿੰਘ ਬੱਲ, ਭਾਜਪਾ ਬੀ.ਸੀ ਮੋਰਚਾ ਪ੍ਰਧਾਨ ਤਰੁਣ ਜੱਸੀ, ਪਵਨ ਖੰਨਾ, ਅਜੈ ਅਰੋੜਾ, ਜੋਗਿੰਦਰ ਵਾਹੀ ਆਦਿ ਨੇਤਾ ਤੇ ਵਰਕਰ ਮੌਜੂਦ ਸਨ।