ਪਲੱਸ-ਮਾਈਨਸ

ਹਿਸਾਬ ਜ਼ਿੰਦਗੀ ਦੇ
ਬੇਹਿਸਾਬ ਜਿਹੇ ਹੁੰਦੇ ਨੇ
ਕਿੰਨੇ ਜੁੜਦੇ ਤੇ ਕਿੰਨੇ ਕੱਟਦੇ
ਅਣਗਿਣਤ ਕਾਟੇ ਲੱਗਦੇ ਨੇ
ਭਾਗ ਜੋ ਦੇ ਲੈਂਦੇ
ਜ਼ਿੰਦਗੀ ਦੇ ਸੁੱਖਾਂ ਦੇ
ਗੁਣਾਂਕ ਵੀ ਉਨ੍ਹਾਂ ਦੀਆਂ
ਖ਼ੁਸ਼ੀਆਂ ਨੂੰ ਲੱਗਦੇ ਨੇ
ਜ਼ਿੰਦਗੀ ਦੇ ਇਹ ਪਲੱਸ-ਮਾਈਨਸ
ਬੇਹਿਸਾਬ ਜਿਹੇ ਲੱਗਦੇ ਨੇ
ਮੈਂ ਛੱਡਿਆ ਜੋੜ ਕਰਮਾਂ ਦਾ
ਭੱਲਿਆ ਘਟਾਉ ਪਾਪਾਂ ਦਾ
ਕਿੰਨੇ ਕਰ ਲਏ ਪੁੰਨ ਤੇ
ਕਿੰਨੇ ਘਟਾ ਲਏ ਪਾਪ
ਨ ਰੱਖਿਆ ਹਿਸਾਬ ਪਾਪਾਂ ਦਾ
ਅਸਾਂ ਤਾਂ ਕਰਮਾਂ ਦੇ ਬੇੜੇ ਬੱਧੇ ਨੇ
ਹਿਸਾਬ ਤਾਂ ‘ਮਾਲਕ’ ਨੇ ਕਰਨੇ ਨੇ
ਜ਼ਿੰਦਗੀ ਦੇ ਇਹ ਪਲੱਸ-ਮਾਈਨਸ
ਬੇਹਿਸਾਬ ਜਿਹੇ ਲੱਗਦੇ ਨੇ

ਆਤਮਜੀਤ ਕੌਰ ‘ਆਤਮ’
ਅੰਮ੍ਰਿਤਸਰ।