Punjab Post Daily Online Newspaper & Print Media
ਕਿਹੜੀ ਚੁਣਾਂ ਸਰਕਾਰ ਸਮਝ ਕੋਈ ਆਉਂਦੀ ਨਹੀਂ।
ਦੱਸ! ਕੀ ਕਰਾਂ ਮੇਰੇ ਯਾਰ ਸਮਝ ਕੋਈ ਆਉਂਦੀ ਨਹੀਂ।
ਹੁਣ ਦੇਸ਼ ਮੇਰੇ ਵਿੱਚ ਬੜੇ ਘੁਟਾਲੇ ਵਧ ਗਏ ਨੇ
ਹੋਏ ਨੇਤਾ ਸ਼ਰਮਸਾਰ, ਸਮਝ ਕੋਈ ਆਉਂਦੀ ਨਹੀਂ।
ਜੁੱਤੀਆਂ ਲਾਹ ਕੇ ਗਾਲਾਂ ਕੱਢਦੇ ਨੇ, ਸੰਸਦ ਵਿੱਚ
ਲੜਦੇ ਜਿਵੇਂ ਗ਼ਦਾਰ, ਸਮਝ ਕੋਈ ਆਉਂਦੀ ਨਹੀਂ।
ਸਭ ਤਾਣਾ-ਬਾਣਾ ਦੇਸ਼ ਮੇਰੇ ਦਾ ਵਿਗੜ ਗਿਆ
ਹਿੰਦੂ, ਮੁਸਲਿਮ ਤੇ ਸਰਦਾਰ, ਸਮਝ ਵੀ ਆਉਂਦੀ ਨਹੀਂ।
ਹੁਣ ਗੁੰਡਾਗਰਦੀ ਤੇ ਚੋਰ-ਬਾਜ਼ਾਰੀ ਸਿਖਰਾਂ ‘ਤੇ
ਪੱਤ ਲੁੱਟਣ ਸ਼ਰੇ ਬਜ਼ਾਰ, ਸਮਝ ਤਾਂ ਆਉਂਦੀ ਨਹੀਂ।
ਆਜ਼ਾਦੀ ਤੋਂ ਬਰਬਾਦੀ ਵੱਲ ਨੂੰ ਤੁਰ ਪਏ ਹਾਂ
ਕੀ ਬਣੇਗਾ ਆਖਰਕਾਰ, ਸਮਝ ਤਾਂ ਆਉਂਦੀ ਨਹੀਂ।
`ਸੁਹਲ` ਦੇਸ਼ ਦੇ ਆਗੂ, ਹੀ ਅੱਗ ਲਗਾਉਂਦੇ ਰਹੇ
ਕੁੱਝ ਧਰਮ ਦੇ ਠੇਕੇਦਾਰ, ਸਮਝ ਤਾਂ ਆਉਂਦੀ ਨਹੀਂ।22102021
ਮਲਕੀਅਤ `ਸੁਹਲ`
ਗੁਰਦਾਸਪੁਰ
ਮੋ- 9872848610
