Punjab Post Daily Online Newspaper & Print Media
ਗੰਗਾ ਦੇ ਕਿਨਾਰੇ ਸਤਿਗੁਰੂ ਪੱਥਰ ਤਾਰਦਾ,
ਮੁੱਖ ‘ਚੋਂ ਦੇਖੋ ਜੀ ਹਰਿ ਹਰਿ ਹੈ ਉਚਾਰਦਾ।
ਗੰਗਾ ਮਾਈ ਨੇ ਦਿੱਤਾ ਇੱਕ ਕੰਗਣ,
ਹੋਵਣ ਸਾਰੇ ਹੈਰਾਨ, ਜੋ ਵੀ ਪੱਥਰ ਹੇਠ ਨਜ਼ਰ ਮਾਰਦਾ।
ਗੰਗਾ ਦੇ ਕਿਨਾਰੇ ਸਤਿਗੁਰੂ ਪੱਥਰ ਤਾਰਦਾ।
ਗਮਾਂ ਤੋਂ ਰਹਿਤ ਬੇਗਮਪੁਰਾ ਬਨਾਉਣਾ,
ਊਚ-ਨੀਚ ਦਾ ਭਰਮ ਹੈ ਮਿਟਾਉਣਾ,
ਨਾਮ ਜੋ ਜਪੇ ਉਸ ਨੂੰ ਚੌਰਾਸੀ ਤੋਂ ਪਾਰ ਹੈ ਲਾਉਣਾ।
ਇਹ ਗੱਲ ਮੁੱਖੋਂ ਸਦਾ ਉਚਾਰਦਾ,
ਗੰਗਾ ਦੇ ਕਿਨਾਰੇ ਸਤਿਗੁਰੂ ਪੱਥਰ ਤਾਰਦਾ।
ਰਾਜੇ ਰਾਣੇ ਹੋਏ ਦੀਵਾਨੇ,
ਮੀਰਾਂ ਬਾਈ ਦੇ ਭਰੇ ਖਜਾਨੇ,
ਰੰਗ ਨਾਮ ਦਾ ਐਸਾ ਚੜਿਆ, ਜਪਣ ਸਾਰੇ ਬੇਗਾਨੇ,
ਖੁੱਲੇ ਜਦ ਮੁੱਖ ਦੱਸਵੇਂ ਦਵਾਰ ਦਾ,
ਗੰਗਾ ਦੇ ਕਿਨਾਰੇ ਸਤਿਗੁਰੂ ਪੱਥਰ ਤਾਰਦਾ।
ਬਾਣੀ ਸਾਨੂੰ ਇਹੋ ਸਮਝਾਵੇ,
ਹਰ ੱਇਕ ਨੂੰ ਗਲ ਨਾਲ ਲਗਾਵੇ,
ਮਿਲ ਜਾਵੇ ਸਭ ਨੂੰ ਅੰਨ ਗੁਰੂ ਪ੍ਰਸੰਨ ਹੋ ਜਾਵੇ,
‘ਫਕੀਰਾ’ ਇਹੋ ਮਾਰਗ ਹੀ ਸਤਿਗੁਰੂ ਦਿਖਾਵਦਾ
ਗੰਗਾ ਦੇ ਕਿਨਾਰੇ ਸਤਿਗੁਰੂ ਪੱਥਰ ਤਾਰਦਾ।
ਵਿਨੋਦ ਫਕੀਰਾ,
ਆਰੀਆ ਨਗਰ, ਕਰਤਾਰਪੁਰ।
ਮੋ- 98721-97326
