ਵਾਟਰ ਸਪਲਾਈ ਦੀਆ ਟੂਟੀਆਂ ਵਿਚ ਪਾਣੀ ਗੰਦਾ – ਬਿਮਾਰੀਆ ਲੱਗਣ ਦਾ ਖਤਰਾ

ਜੰਡਿਆਲਾ ਗੁਰੂ  24 ਅਪ੍ਰੈਲ  (ਹਰਿੰਦਰਪਾਲ ਸਿੰਘ )-  ਲੋਕ ਸਭਾ ਚੋਣਾ ਵਿਚ ਅਕਾਲੀ ਭਾਜਪਾ ਸਰਕਾਰ ਵਲੋਂ ਵੰਨ ਸੁਵੰਨੇ ਵਾਅਦੇ ਕੀਤੇ ਜਾ ਰਹੇ ਹਨ ਪਰ ਇਹਨਾ ਵਾਅਦਿਆ ਦੀ ਫੂਕ ਨਿਕਲਦੀ ਤੱਦ ਦੇਖੀ ਗਈ ਜਦ ਵਾਰਡ ਨੰ: 15 ਤੇ  1  ਵਿਚ ਲੋਕਾਂ ਨੇ ਪੀਣ ਵਾਲੇ ਪਾਣੀ ਦੀ ਗੰਦੀ ਸਪਲਾਈ ਬਾਰੇ  ਜਾਣਕਾਰੀ ਦਿੱਤੀ।  ਮਾਤਾ ਬਚਨ ਕੋਰ ਨੇ ਦੱਸਿਆ ਕਿ ਵਾਟਰ ਸਪਲਾਈ ਦੀਆ ਟੂਟੀਆਂ ਵਿਚੋਂ ਇਹ ਗੰਦਾ ਪਾਣੀ ਪੀਣ ਨਾਲ ਕਈ ਬਿਮਾਰੀਆ ਲੱਗਣ ਦਾ  ਖਤਰਾ ਪੈਦਾ ਹੋ ਗਿਆ ਹੈ।  ਇਸ ਸਬੰਧੀ ਨਗਰ ਕੋਂਸਲ ਦੇ ਕਾਰਜਸਾਧਕ ਅਫ਼ਸਰ ਮਨਮੋਹਨ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾ ਕਿਹਾ ਕਿ ਜਲਦੀ ਹੀ ਸਪਲਾਈ ਦੀ ਪੜਤਾਲ ਕਰਕੇ ਨੁਕਸ ਠੀਕ ਕੀਤਾ ਜਾਵੇਗਾ ਅਤੇ ਜਨਤਾ ਨੂੰ ਸਾਫ ਸੁਥਰਾ ਪਾਣੀ ਮਿਲੇਗਾ।