ਅੱਜ ਦੇ ਲੀਡਰ

ਧੱਕੇਸ਼ਾਹੀਆਂ ਜੋ ਕਰਨ ਦਿਨ ਰਾਤ,
ਦੇਸ਼ ਦੇ ਮਹਾਨ ਲੀਡਰ ਅਖਵਾਉਂਦੇ ਨੇ।
ਕਾਨੂੰਨਾਂ ਦੀ ਪ੍ਰਵਾਹ ਨਹੀਂ ਕਰਦੇ,
ਉਂਜ਼ ਗਣਤੰਤਰ ਦਿਵਸ ਮਨਾਉਂਦੇ ਨੇ।
ਤਿਜੌਰੀਆਂ ਆਪਣੀਆਂ ਭਰਨ ਖਾਤਰ,
ਇਹ ਚੋਰ ਕਾਨੂੰਨ ਬਣਾਉਂਦੇ ਨੇ।
ਚੋਣਾਂ ਵਿੱਚ ਸਬਜ਼ਬਾਗ ਵਿਖਾ ਕੇ,
ਲੋਕਾਂ ਨੂੰ ਮੂਰਖ ਬਣਾਉਂਦੇ ਨੇ।
ਬੁੱਧੀ ਉਨ੍ਹਾਂ ਦੀ ਭ੍ਰਿਸ਼ਟ ਕਰਨ ਲਈ,
ਨਸ਼ਿਆਂ ਦਾ ਹੜ੍ਹ ਵਗਾਉਂਦੇ ਨੇ।
ਇਕੱਠੇ ਕੀਤੇ ਲੋਕਾਂ ਦੀ ਲੁੱਟ ਦੇ ਪੈਸੇ,
ਫਿਰ ਲੋਕਾਂ ਵਿੱਚ ਵਰਤਾਉਂਦੇ ਨੇ।
`ਪਸਨਾਵਾਲੀਆ` ਸੋਚੋ ਸਮਝੋ ਹੋਸ਼ ਕਰੋ,
ਤੁਹਾਨੂੰ ਲੀਡਰ ਕਿਉਂ ਵਿਕਾਊ ਬਣਾਉਂਦੇ ਨੇ।
ਜਿੱਤ ਜਾਣ `ਤੇ ਪੂਰੇ ਪੰਜ ਸਾਲ,
ਵਿੱਚ ਮਸਤੀ ਦੇ ਬਿਤਾਉਂਦੇੇ ਨੇ।

-ਸੁੱਚਾ ਸਿੰਘ ਪਸਨਾਵਾਲ,
ਪਿੰਡ ਤੇ ਡਾਕਖਾਨਾ ਪਸਨਾਵਾਲ,
 ਜਿਲ੍ਹਾ ਗੁਰਦਾਸਪੁਰ।

ਮੋਬਾਇਲ: 9915033740