ਨਫ਼ਰਤ

ਆਪਣੇ ਅੰਦਰ ਨਫ਼ਰਤ ਕਦੇ ਵੀ ਪਾਲੀਂ ਨਾ,
ਬਿਨ ਬਾਲਣ ਤੋਂ ਆਪਣੇ ਆਪ ਨੂੰ ਬਾਲੀਂ ਨਾ।
ਨਾਲ ਬੀਮਾਰੀ ਸੁਣਿਆਂ ਕਈ ਗਲ ਜਾਂਦੈ,
ਬਿਨ ਬਿਮਾਰੀ ਆਪਣੇ ਆਪ ਨੂੰ ਗਾਲੀਂ ਨਾ,
ਬੱਚਿਆਂ ਵਾਂਗੂੰ ਕੱਟੀ ਅੱਬਾ ਸਿੱਖ ਜਾਵੀਂ,
ਝੱਟ ਮੰਨ ਜਾਵੀਂ ਵੇਖੀਂ ਗੱਲ ਨੂੰ ਟਾਲੀ ਨਾ।
ਗਿਲੇ ਸ਼ਿਕਵੇ ਆਪਣੇ ਮਨ `ਚੋਂ ਕੱਢ ਦੇਵੀਂ,
ਕਿਸੇ ਵੀ ਗੱਲ ਨੂੰ ਐਵੇਂ ਬਹੁਤਾ ਉਛਾਲੀਂ ਨਾ,
ਕੈਂਚੀ ਕੱਟਦੀ, ਸੂਈ ਸਦਾ ਹੀ ਜੋੜਦੀ ਹੈ।
ਸੂਈ ਨੂੰ ਛੱਡ ਕੈਂਚੀ ਕਦੇ ਵੀ ਭਾਲ਼ੀਂ ਨਾ,
ਆਦਮੀ ਤੂੰ ਹੈਂ ਸੁਖਬੀਰ ਇੱਕ ਦਮੀ,
ਵੇਖੀਂ ਕਿਧਰੇ ਦੁਨੀਆਂ ਤੋਂ ਜਾਵੀਂ ਖ਼ਾਲੀ ਨਾ। 03012021

ਸੁਖਬੀਰ ਸਿੰਘ ਖੁਰਮਣੀਆਂ
ਖ਼ਾਲਸਾ ਕਾਲਜ ਸੀਨੀਅਰ ਸੈਕੰਡਰੀ ਸਕੁਲ,
ਅੰਮ੍ਰਿਤਸਰ।