ਬੇਸਮਝ

ਸਾਰੀ ਉਮਰ ਬੱਚਿਆਂ ਲਈ ਕਮਾਉਂਦੇ ਕੱਢ ਦਿੱਤੀ ਕਰਨੈਲ ਸਿੰਘ ਨੇ।ਜਦ ਬੁਢਾਪਾ ਆਇਆ ਤਾਂ ਪ੍ਰਤਾਪ ਕੌਰ ਵੀ ਸਾਥ ਛੱਡ ਗਈ।ਬੱਚੇ ਆਪਣੀ ਜ਼ਿੰਦਗੀ ਵਿੱਚ ਸੈਟ ਸਨ।ਸਭ ਸਹੀ ਚੱਲ ਰਿਹਾ ਸੀ।ਬੱਚਿਆਂ ਦੇ ਬਿਜ਼ਨੈਸ ਵਿੱਚ ਜੇਕਰ ਕੋਈ ਊਚ ਨੀਚ ਹੋ ਜਾਂਦੀ ਤਾਂ ਤਜ਼ੱਰਬੇ ਦੇ ਆਧਾਰ `ਤੇ ਆਪਣੀ ਰਾਏ ਦੱਸਦਾ ਤਾਂ ਬੱਚੇ ਔਖੇ ਹੋ ਜਾਂਦੇ ਤੇ ਇਹ ਆਖ ਦਿੰਦੇ ਕੇ ਚੁੱਪ ਰਿਹਾ ਕਰੋ ਪਾਪਾ ਤੁਹਾਨੂੰ ਕੁੱਝ ਨਹੀਂ ਪਤਾ ਸਾਡੇ ਬਿਜ਼ਨੈਸ ਬਾਰੇ।ਕਰਨੈਲ ਸਿੰਘ ਚੁੱਪਚਾਪ ਆਪਣੇ ਕਮਰੇ ‘ਚ ਆ ਸੋਚਣ ਲੱਗ ਪੈਂਦਾ ਕਿ ਜਿਹੜਾ ਆਦਮੀ ਆਪਣੇ ਬੱਚਿਆਂ ਦਾ ਰਾਹ ਦਸੇਰਾ ਬਣਿਆ ਰਿਹਾ, ਅੱਜ ਉਹ ਆਪਣੇ ਹੀ ਬੱਚਿਆਂ ਲਈ ਬੇਸਮਝ ਕਿਓਂ ? ਬੱਚੇ ਪਿਓ ਦੀਆਂ ਪ੍ਰਾਪਤੀਆਂ ਤੋਂ ਖ਼ੁਸ਼ ਨਹੀਂ ਸਨ ਲੱਗਦੇ ਅਤੇ ਨਾ ਹੀ ਕਦੇ ਉਹ ਇਸ ਮੁੱਦੇ `ਤੇ ਗੱਲ ਕਰਦੇ ਸਨ।ਅਜਿਹੇ ਹਾਲਾਤ ਤੋਂ ਪ੍ਰੇਸ਼ਾਨ ਕਰਨੈਲ ਸਿੰਘ ਨੂੰ ਹੁਣ ਆਪਣੀ ਕਾਬਲੀਅਤ `ਤੇ ਸ਼ੱਕ ਹੋ ਰਿਹਾ ਸੀ।

ਹਰਮਿੰਦਰ ਸਿੰਘ ਭੱਟ
ਬਿਸਨਗੜ੍ਹ (ਬਈਏਵਾਲ), ਸੰਗਰੂਰ।
ਸੰਪਰਕ -9914062205