ਮਾਂ ਬੋਲੀ ਪੰਜਾਬੀ ਨੂੰ ਰਾਜ ਭਾਸ਼ਾ ਦਾ ਦਰਜਾ ਦਿਵਾਉਣ ਲਈ ਪਰਚੇ ਵੰਡੇ

ਬਟਾਲਾ, 12 ਜਨਵਰੀ (ਨਰਿੰਦਰ ਬਰਨਾਲ ) – ਮਾਂ ਬੋਲੀ ਪੰਜਾਬੀ ਅਤੇ ਸੱਭਿਆਚਾਰ ਦੀ ਰਾਖੀ ਤੇ ਮਜਬੂਤੀ ਲਈ ਪੰਜ ਸੰਸਥਾਵਾਂ ਵਲੋ ਤਿਆਰ ਪਰਚੇ ਨੂੰ ਅੱਜ ਬਟਾਲਾ

ਦੇ ਆਸ ਪਾਸ ਰਹਿੰਦੇ ਪੰਜਾਬੀ ਲੇਖਕ ਤੇ ਮਾਂ ਬੋਲੀ ਪੰਜਾਬੀ ਪ੍ਰੇਮੀਆਂ ਵਲੋ ਬੱਸ ਸਟੈਂਡ ਤੇ ਗਾਂਧੀ ਚੌਕ ਵਿਖੇ ਜਾ ਕੇ ਲੋਕਾਂ ਨੂੰ ਵੱਡੇ ਪੱਧਰ ਤੇ ਜਾਗਰੂਕ ਕੀਤਾ ਗਿਆ।ਇਸ ਮੁਹਿੰਮ ਡਾ ਰਵਿਦਰ ਡਾ ਅਨੁਪ ਸਿੰਘ ਅਤੇ ਡਾ ਸੈਮੂਅਲ ਗਿੱਲ ਦੀ ਅਗਵਾਈ ਹੇਠ ਚਲਾਈ ਗਈ। ਇਸ ਮੋਕੇ ਪੰਜਾਬੀ ਸਾਹਿਤ ਅਕਾਡਮੀ ਦੇ ਜਨਰਲ ਸਕੱਤਰ ਡਾ ਅਨੂਪ ਸਿੰਘ ਨੇ ਦੱਸਿਆ ਕਿ ਦੋਵਾ ਕੇਦਰੀ ਪੰਜਾਬੀ ਲੇਖਕਾਂ ਸਭਾਵਾਂ, ਪੰਜਾਬ ਜਾਗ੍ਰਤੀ ਮੰਚ ਅਤੇ ਭਾਸ਼ਾ ਅਕਾਦਮੀ ਜਲੰਧਰ ਵਲੋ ਮਾਂ ਬੋਲੀ ਨੂੰ ਹਕੀਕੀ ਅਰਥਾਂ ਵਿਚ ਰਾਜ ਭਾਸ਼ਾ ਦਾ ਦਰਜਾ ਦਿਵਾਉਣ ਲਈ ਅਤੇ ਮਾਂ ਬੋਲੀ ਦੀ ਮਨੁੱਖ ਅਤੇ ਸਮਾਜ ਦੇ ਵਿਕਾਸ ਵਿਚ ਆਧਾਰੀ ਭੁਮਿਕਾ ਨੂੰ ਸਮਝਾਉਣ ਦੇ ਪਹਿਲੇ ਪੜਾਅ ਵਿਚ ਅੱਜ ਸਮੁੱਚੇ ਪੰਜਾਬ ਵਿਚ ਇਹ ਪਰਚਾ ਵੰਡਿਆ ਗਿਆ।ਇਸ ਮੌਕੇ ਸੁਖਦੇਵ ਸਿੰਘ ਪ੍ਰੇਮੀ, ਦੇਵਿੰਦਰ ਦੀਦਾਰ, ਬਾਬਾ ਬਾਜਵਾ, ਸੁਰਿੰਦਰ ਸਿੰਘ, ਨਿਸ਼ਾਨ ਸਿੰਘ, ਅਜੀਤ ਕਮਲ ਅਤੇ ਸੰਧੂ ਬਟਾਲਵੀ,ਵਿਜੇ ਅਗਨੀਹੋਤਰੀ, ਸੁੱਚਾ ਸਿੰਘ ਨਾਗੀ, ਗੁਰਮੇਜ ਸਿੰਘ ਆਦਿ ਹਾਜਰ ਸਨ।