ਨਲਕੇ ਦਾ ਬੋਰ ਕਰਦੇ 3 ਵਿਅਕਤੀਆਂ ਨੂੰ ਪਿਆ ਕਰੰਟ- ਇੱਕ ਦੀ ਮੌਤ

ਜੰਡਿਆਲਾ ਗੁਰੂ, 18  ਮਈ (ਹਰਿੰਦਰਪਾਲ ਸਿੰਘ)- ਜੰਡਿਆਲਾ ਗੁਰੂ ਤਰਨਤਾਰਨ ਬਾਈਪਾਸ ਕਬਾੜ ਦੀ ਦੁਕਾਨ ਦੇ ਬਾਹਰ ਨਲਕੇ ਦਾ ਬੋਰ ਕਰ ਰਹੇ 3 ਵਿਅਕਤੀਆਂ ਨੂੰ ਕਰੰਟ ਲੱਗਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਇਕ ਵਿਅਕਤੀ ਜੋ ਬੋਰ ਕਰ ਰਿਹਾ ਸੀ ਮੋਕੇ ਉਪੱਰ ਹੀ ਦਮ ਤੋੜ ਗਿਆ ਜਦੋਂ ਕਿ ਦੋ ਮਜ਼ਦੂਰ ਵਾਲ ਵਾਲ ਬੱਚ ਗਏ।ਮ੍ਰਿਤਕ ਦੀ ਪਛਾਣ ਮੰਗਲ ਸਿੰਘ ਉਮਰ ਕਰੀਬ 50 ਸਾਲ ਮੁਹੱਲਾ ਸ਼ੇਖੂਪੁਰਾ ਨੇੜੇ ਸ਼ਹੀਦ ਉਧਮ ਸਿੰਘ ਚੋਂਕ ਜੰਡਿਆਲਾ ਗੁਰੂ ਵਜੋਂ ਹੋਈ ਹੈ।ਮੋਕੇ ਉਪਰ ਗਏ ਪੱਤਰਕਾਰਾਂ ਨਾਲ ਕੋਈ ਗੱਲ ਕਰਨ ਤੋਂ ਪਰਿਵਾਰ ਵਾਲਿਆਂ ਨੇ ਮਨਾਂ ਕਰ ਦਿਤਾ।ਉਧਰ ਦੇਰ ਸ਼ਾਮ ਪਤਾ ਲੱਗਾ ਹੈ ਕਿ ਜਿਸ ਮਕਾਨ ਵਿਚ ਕਰ ਰਹੇ ਸਨ ਉਸ ਧਿਰ ਨਾਲ ਬੈਠ ਕੇ ਮ੍ਰਿਤਕ ਦੇ ਪਰਿਵਾਰ ਵਾਲਿਆਂ ਦੀ ਗੱਲਬਾਤ ਚੱਲ ਰਹੀ ਹੈ।