ਯੂਨੀਵਰਸਿਟੀ ਦੇ ਡਿਸਟ੍ਰੀਬਿਊਟਿਡ ਇਨਫਾਰਮੈਟਿਕਸ ਸਬ-ਸੈਂਟਰ ਨੂੰ ਭਾਰਤ ਸਰਕਾਰ ਦੇ ਬਾਇਓਟੈਕਨਾਲੋਜੀ ਵਿਭਾਗ ਵੱਲੋਂ ਤੀਜਾ ਸਥਾਨ

ਅੰਮ੍ਰਿਤਸਰ, 8 ਫਰਵਰੀ (ਪੰਜਾਬ ਪੋਸਟ – ਸੁਖਬੀਰ ਸਿੰਘ)- ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਬਾਇਓਟੈਕਨਾਲੋਜੀ ਵਿਭਾਗ ਦੇ ਡਿਸਟ੍ਰੀਬਿਊਟਿਡ ਇਨਫਾਰਮੈਟਿਕਸ ਸਬ-ਸੈਂਟਰ ਨੂੰ ਭਾਰਤ ਸਰਕਾਰ ਦੇ ਬਾਇਓਟੈਕਨਾਲੋਜੀ ਵਿਭਾਗ ਵੱਲੋਂ ਮੁੰਬਈ ਵਿਖੇ ਆਯੋਜਿਤ 28ਵੀਂ ਸਾਲਾਨਾ ਕੋਆਰਡੀਨੇਟਰਜ਼ ਮੀਟਿੰਗ ਵਿਚ ਤੀਜਾ ਸਥਾਨ ਪ੍ਰਾਪਤ ਹੋਇਆ ਹੈ।
ਵਿਭਾਗ ਦੇ ਮੁਖੀ ਡਾ. ਪ੍ਰਮੋਦ ਕੁਮਾਰ ਵਰਮਾ ਨੇ ਇਸ ਕਾਨਫਰੰਸ ਵਿਚ ਭਾਗ ਲਿਆ ਅਤੇ ਸਾਲਾਨਾ ਪ੍ਰੋਗਰੈਸ ਰਿਪੋਰਟ ਪੇਸ਼ ਕੀਤੀ ਜਿਸ ਦੇ ਆਧਾਰ ‘ਤੇ ਯੂਨੀਵਰਸਿਟੀ ਦੇ ਵਿਭਾਗ ਨੂੰ ਇਹ ਸਥਾਨ ਹਾਸਲ ਹੋਇਆ। ਡਾ. ਵਰਮਾ ਨੇ ਦੱਸਿਆ ਕਿ ਪ੍ਰੋਗਰੈਸ ਰਿਪੋਰਟ ਤੋਂ ਇਲਾਵਾ ਇਸ ਸੈਂਟਰ ਵੱਲੋਂ ਹਾਈਇੰਪੈਕ ਜਰਨਲ ਅਤੇ ਪੀਅਰਡ ਰੀਵੀਊਡ ਜਰਨਲ ਵਿਚ ਪੇਪਰ ਪ੍ਰਕਾਸ਼ਿਤ ਕਰਨ ਸਦਕਾ ਵੀ ਆਹਲੇ ਦਰਜੇ ਵਿਚ ਦੇ ਮੁਲਾਂਕਣ ਵਿਚ ਇਹ ਵਿਭਾਗ ਸ਼ਾਮਿਲ ਹੋਇਆ।