ਦਿੱਲੀ ਸਟੇਟ ਐਥਲੈਟਿਕ ਮੀਟ ਵਿੱਚ ਦਿੱਲੀ ਕਮੇਟੀ ਦੇ 50 ਮੈਂਬਰੀ ਦਲ ਨੇ ਮਾਰਚ ਪਾਸਟ ਵਿੱਚ ਲਿਆ ਹਿੱਸਾ

ਨਵੀਂ ਦਿੱਲੀ, 22 ਅਗਸਤ (ਅੰਮ੍ਰਿਤ ਲਾਲ ਮੰਨਣ) – 75ਵੀਂ ਦਿੱਲੀ ਸਟੇਟ ਐਥਲੈਟਿਕ ਮੀਟ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ 50 ਮੈਂਬਰੀ ਦਲ ਨੇ ਮਾਰਚ ਪਾਸਟ ਵਿਚ ਹਿੱਸਾ ਲਿਆ। ਜਵਾਹਰ ਲਾਲ ਨਹਿਰੂ ਸਟੈਡੀਅਮ ਵਿਖੇ ਸ਼ੁਰੂਆਤ ਦੇ ਮੌਕੇ ਹੋਏ ਇਸ ਮਾਰਚ ਪਾਸਟ ਵਿਚ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲਾਂ ਤੋਂ ਚੋਣ ਕਰਕੇ ਲਿਆਂਦੇ ਗਏ ਵਿਦਿਆਰਥੀਆਂ ਨੇ ਤਿੰਨ ਦਿਨੀ ਖੇਡ ਮੁਕਾਬਲੇ ਵਿੱਚ ਪੂਰੇ ਅਨੁਸ਼ਾਸਨ ਅਤੇ ਖੇਡ ਭਾਵਨਾਂ ਨਾਲ ਖੇਡਨ ਦਾ ਹਲਫ਼ ਵੀ ਲਿਆ।

ਇਸ ਬਾਰੇ ਹੋਰ ਜਾਣਕਾਰੀ ਦਿੰਦੇ ਹੋਏ ਕਮੇਟੀ ਦੇ ਸਪੋਰਟਸ ਡਾਈਰੈਕਟਰ ਸਵਰਨਜੀਤ ਸਿੰਘ ਬਰਾੜ ਨੇ ਇਨ੍ਹਾਂ ਖੇਡਾਂ ਵਿੱਚ ਕਮੇਟੀ ਦੇ ਖਿਡਾਰੀਆਂ ਵੱਲੋਂ ਤੱਗਮੇ ਜਿੱਤਣ ਦੀ ਵੀ ਆਸ਼ ਜਤਾਈ। ਦਿੱਲੀ ਕਮੇਟੀ ਦੇ ਝੰਡੇ ਤੱਲੇ ਦਿੱਲੀ ਸਟੇਟ ਗੇਮ ਵਿੱਚ ਤੱਗਮੇ ਜਿੱਤ ਕੇ ਲਿਆਉਣ ਵਾਲੇ ਖਿਡਾਰੀਆਂ ਨੂੰ ਕਮੇਟੀ ਵੱਲੋਂ ਪੂਰਾ ਹੁੰਗਾਰਾ ਦੇਣ ਦਾ ਵੀ ਬਰਾੜ ਨੇ ਦਾਅਵਾ ਕੀਤਾ। ਬੀਤੇ ਢਾਈ ਸਾਲਾਂ ਦੌਰਾਨ ਕਮੇਟੀ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ. ਅਤੇ ਜਨਰਲ ਸਕੱਤਰ ਮਨਜਿੰਦਰ ਸਿੰਘ ਸਿਰਸਾ ਵੱਲੋਂ ਸਕੂਲਾਂ ਅਤੇ ਕਾੱਲਜਾਂ ਵਿੱਚ ਵਿਦਿਆਰਥੀਆਂ ਨੂੰ ਖੇਡਾਂ ਪ੍ਰਤੀ ਰੂਚੀ ਜਗਾਉਣ ਲਈ ਕੀਤੀ ਜਾ ਰਹੀ ਕੋਸ਼ਿਸ਼ਾਂ ਨੂੰ ਵੀ ਬਰਾੜ ਨੇ ਕਮੇਟੀ ਖਿਡਾਰੀਆਂ ਦੇ ਸਟੇਟ ਗੇਮ ਵਿੱਚ ਹਿੱਸਾ ਲੈਣ ਦੇ ਕਾਰਨ ਵੱਜੋਂ ਵੀ ਜੋੜਿਆ।