ਸ਼ਹੀਦ ਭਗਤ ਸਿੰਘ ਮੋਟਰ ਸਾਇਕਲ ਰੇਹੜੀ ਯੂਨੀਅਨ ਨੇ ਸ਼ਹੀਦ ਊਧਮ ਸਿੰਘ ਜੀ ਨੂੰ ਦਿੱਤੀ ਸ਼ਰਧਾਂਜਲੀ

ਸੰਗਰੂਰ, 3 ਅਗਸਤ (ਜਗਸੀਰ ਲੌਂਗੋਵਾਲ) – ਸ਼ਹੀਦ ਭਗਤ ਸਿੰਘ ਮੋਟਰ ਸਾਇਕਲ ਰੇਹੜੀ ਯੂਨੀਅਨ ਨੇ ਲੋਕ ਨਾਇਕ ਸਹੀਦ ਊਧਮ ਸਿੰਘ ਜੀ ਦੇ ਸ਼ਹੀਦੀ ਦਿਵਸ ‘ਤੇ ਸਰਧਾਂਜਲੀ ਭੇਟ ਕੀਤੀ ।ਕਰੋਨਾ ਦੀਆਂ ਸਾਵਧਾਨੀਆ ਵਰਤਦਿਆਂ ਯੂਨੀਅਨ ਦੇ ਅਹੁਦੱਦਾਰਾਂ ਦੀ ਚੋਣ ਵੀ ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਸੂਬਾ ਆਗੂ ਬਲਵੀਰ ਚੰਦ ਲੌਗੋਵਾਲ ਅਤੇ ਜੁਝਾਰ ਲੌਗੋਵਾਲ ਦੀ ਦੇਖ-ਰੇਖ ਵਿੱਚ ਹੋਈ।ਜਿਸ ਵਿੱਚ ਮੇਜਰ ਸਿੰਘ ਪ੍ਰਧਾਨ, ਕਰਮਜੀਤ ਸਿੰਘ ਮੀਤ ਪ੍ਰਧਾਨ, ਸਤਪਾਲ ਖਜਾਨਚੀ, ਮੱਖਣ ਸਿੰਘ ਸਹਾਇਕ ਖਜ਼ਾਨਚੀ ਸਰਬਸੰਮਤੀ ਨਾਲ ਚੁਣੇ ਗਏ।ਜੁਝਾਰ ਲੌਗੋਂਵਾਲ ਅਤੇ ਬਲਵੀਰ ਚੰਦ ਨੂੰ ਸਰਪ੍ਰਸਤ ਚੁਣਿਆ ਗਿਆ।ਇਸ ਸਮੇਂ ਮੋਟਰ ਰੇਹੜੀ ਦੇ ਲੋਕਲ ਅਤੇ ਬਾਹਰਲੇ ਪਿੰਡਾਂ ਦਾ ਕਿਰਾਇਆ ਤੈਅ ਕਰਦਿਆਂ ਹਰ ਮਸਲੇ ‘ਤੇ ਇਕਜੁੱਟਤਾ ਅਤੇ ਏਕਤਾ ਨਾਲ ਕੰਮ ਕਰਨ ਦਾ ਅਹਿਦ ਵੀ ਕੀਤਾ।