Thursday, December 13, 2018
ਤਾਜ਼ੀਆਂ ਖ਼ਬਰਾਂ

ਮਜ਼ਬੂਰੀਆਂ

ਕੁੱਝ ਖੁਸ਼ੀਆਂ ਗਮਾਂ ਦੇ ਵਿਚੋਂ ਲੰਘ ਕੇ ਆਉਂਦੀਆਂ ਨੇ
ਲੱਗੇ ਦਰਦ ਨੂੰ ਇਹ ਖੁਸ਼ੀਆਂ ਕਦੋਂ ਦਬਾਉਂਦੀਆਂ ਨੇ।

ਜਮਾਨਾ ਹੀ ਰੋਲ ਦਿੰਦਾ ਹੈ ਕਈਆਂ ਨੂੰ ਇਥੇ ਹੁਣ
ਕੱਚੇ ਢਾਰਿਆਂ ਨੂੰ ਚੁਬਾਰੇ ਦੀਆਂ ਕੰਧਾਂ ਢਾਉਂਦੀਆਂ ਨੇ।

ਗੱਲਾਂਬਾਤਾਂ ਨਾਲ ਢਿੱਡ ਭਰਦਾ ਕਿਸੇ ਦਾ ਕਦੇ ਨਾ
ਭੁੱਖੀਆਂ ਆਂਦਰਾਂ ਟੁੱਕੜਾ ਅੰਨ ਦਾ ਚਾਹੁੰਦੀਆਂ ਨੇ।

ਐਂਵੇਂ ਤਾਂ ਨਹੀਂ ਜੀਅ ਕਰਦਾ ਕਿਸੇ ਦਾ ਮਰਨੇ ਨੂੰ
ਮਰਨ ਲਈ ਮਜ਼ਬੂਰ ਮਜ਼ਬੂਰੀਆਂ ਕਰਾਉਂਦੀਆਂ ਨੇ।

ਹਾਥੀ ਦੇ ਦੰਦ ਖਾਣ ਵਾਲੇ ਹੋਰ ਵਿਖਾਣ ਵਾਲੇ ਹੋਰ
ਬੇਈਮਾਨਾਂ ਦੀਆਂ ਚਾਲਾਂ ਨਾ ਸਾਡੇ ਮਨਭਾਉਂਦੀਆਂ ਨੇ।

ਮੇਰੇ ਵਾਂਗ ਗੁਰਬਤ ਹੰਢਾ ਰਹੀ ਹੈ ਪਰਜਾ ਬਹੁਤੀ
ਪਤਾ ਨਹੀ ਕਿਹੜੇ ਵਿਕਾਸ ਦੇ ਗੀਤ ਸਰਕਾਰਾਂ ਗਾਉਂਦੀਆਂ ਨੇ।

 

 

Balbir Babbi

 

 

 

 

 
ਬਲਬੀਰ ਸਿੰਘ ਬੱਬੀ
ਪੰਜਾਬੀ ਸਾਹਿਤ ਸਭਾ
ਸਮਰਾਲਾ।
ਮੋ – 70091 07300

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>