ਡੰਗਿਆ ਬੰਦੇ ਦਾ…..

ਡੰਗਿਆ ਬੰਦੇ ਦਾ, ਬੰਦਾ ਬਚੇ ਨਾਹੀਂ,
ਡੰਗਿਆ ਸੱਪ ਦਾ ਬੰਦਾ ਬਚ ਜਾਂਦਾ।
ਸੱਪ ਦੇ ਜ਼ਹਿਰ ਨੂੰ ਦਵਾਈ ਕਾਟ ਕਰਦੀ,
ਜ਼ਹਿਰ ਬੰਦੇ ਦਾ, ਖੂਨ ਵਿੱਚ ਰਚ ਜਾਂਦਾ।
ਆਪਣਾ ਬਣ ਕੇ ਜਦੋਂ ਕੋਈ ਕਰੇ ਠੱਗੀ,
ਮੱਲੋ-ਮੱਲੀ ਫਿਰ ਭਰ ਗਚ ਜਾਂਦਾ।
ਚਾਰੇ ਪਾਸੇ ਝੂਠ ਦਾ ਬੋਲ-ਬਾਲਾ,
ਹਰ ਥਾਂ ‘ਤੇ ਹਰ ਹੈ ਸੱਚ ਜਾਂਦਾ।
ਦਸਾਂ ਨਹੁੰਆਂ ਦੀ ਕਿਰਤ ਵਿੱਚ ਸਬਰ ਕਿੱਥੇ,
ਦੋ ਨੰਬਰ ਦਾ ਪੈਸਾ ਕਿਵੇਂ ਪਚ ਜਾਂਦਾ।
ਜਦ ਇਥੇ ਕੋਈ ਆਪਣਾ ਕਰੇ ਤਰੱਕੀ,
ਵੇਖੋ! ਆਪਣਾ ਹੀ ਇਥੇ ਫਿਰ ਮਚ ਜਾਂਦਾ,
ਖੁਰਮਣੀਆਂ ਵਾਲਿਆ ਗੱਲ ਮੁਕੱਦਰਾਂ ਦੀ,
ਵੱਜ ਬੂਟ ਦੇ ਵਿੱਚੋਂ ਵੀ ਕੱਚ ਜਾਂਦਾ।0204202302

ਸੁਖਬੀਰ ਸਿੰਘ ਖੁਰਮਣੀਆਂ
ਛੇਹਰਟਾ, ਅੰਮ੍ਰਿਤਸਰ।
ਮੋ – 9855512677