ਮਾਂ ਬੋਲੀ ਪੰਜਾਬੀ

ਉਠੋ ਰਲਮਿਲ ਹੰਭਲਾ ਮਾਰੋ ਹੋਰ ਨਾ ਕਰੋ ਵੀਚਾਰ,
ਲੱਗਦਾ ਮਾਂ ਪੰਜਾਬੀ ਆਪਣੀ ਜੀਕਣ ਸਖਤ ਬੀਮਾਰ।
ਆਪਣਿਆਂ ਤੋਂ ਆਪਣੇ ਘਰ ਵਿੱਚ ਖਾ ਬੈਠੀ ਜੋ ਮਾਰ,
ਜਿਸ ਨੇ ਲੱਖਾਂ ਦੁਸ਼ਮਣਾਂ ਅੱਗੇ ਨਹੀਂ ਸੀ ਮੰਨੀ ਹਾਰ।
ਰਿਸ਼ੀ ਮੁਨੀ ਸੀ ਪੈਦਾ ਕੀਤੇ ਜਿਸਨੇ ਕਈ ਅਵਤਾਰ,
ਮਾਖਿਓਂ ਮਿੱਠੀ ਬਾਣੀ ਜਿਸਦੀ ਜੀਵਨ ਲਾਉਂਦੀ ਪਾਰ।
ਜਿਸ ਘਰ ਮਾਂ ਦਾ ਰੁਤਬਾ ਹੈ ਨਹੀਂ ਉਹ ਕਾਹਦਾ ਪਰਿਵਾਰ,
ਮਾਵਾਂ ਨੂੰ ਤਾਂ ਇਕੋ ਭੁੱਖ ਹੈ ਮਿਲਜੇ ਥੋੜਾ ਪਿਆਰ।
ਜਿਸ ਨੂੰ ਸਾਡੇ ਗੁਰੂਆਂ ਪੀਰਾਂ ਦਿੱਤਾ ਹੈ ਸਤਿਕਾਰ,
ਉਸ ਪੰਜਾਬੀ ਮਾਂ ਬੋਲੀ ਨੂੰ ਰਹੇ ਹਾਂ ਕਿਉਂ ਵਿਸਾਰ।
ਸਾਰੀ ਉਮਰ ਨਹੀਂ ਲਾਹ ਸਕਦੇ ਪੁੱਤ ਮਾਵਾਂ ਦਾ ਸਿਰੋਂ ਭਾਰ,
ਦੋਦੇ ਪਿੰਡ ‘ਬਲਵਿੰਦਰ ਰਾਏ ਰਿਹੈ ਸੱਚੀਂ ਗੱਲ ਉਚਾਰ।

 
ਬਲਵਿੰਦਰ ਰਾਏ ਦੋਦਾ
ਪਿੰਡ ਦੋਦਾ
ਜਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ
ਮੋਬਾ : 93573-05252