ਔਰਤ

ਚੰਨ ਤਾਰਿਆਂ ਦੀ ਰੌਸ਼ਨੀ ਹੈ ਔਰਤ
ਗੁਲਾਬ ਦੀ ਖੁਸ਼ਬੋ ਹੈ ਔਰਤ
ਰੱਬ ਦਾ ਰੂਪ ਹੈ ਔਰਤ
ਮਾਈ ਭਾਗੋ, ਕਲਪਨਾ ਚਾਵਲਾ,
ਸੁਨੀਤਾ ਵੀਲੀਅਮ ਹੈ ਔਰਤ
ਨਿਰੀ ਪਿਆਰ ਦੀ ਮੂਰਤ ਹੈ ਔਰਤ
ਦੁਰਗਾ ਮਾਂ ਦਾ ਰੂਪ ਹੈ ਔਰਤ।

ਸਾਰੀਆਂ ਹੀ ਪੀੜਾਂ ਨੂੰ ਗਲ ਲਾਉਂਦੀ
ਸਹਿਣਸ਼ੀਲਤਾ ਦੀ ਸ਼ਕਤੀ ਹੈ ਔਰਤ
ਮੋਹ ਨਾਲ ਨਿਭਾਉਂਦੀ ਹਰ ਇੱਕ ਰਿਸ਼ਤੇ ਨੂੰ
ਮਾਂ ਧੀ ਪਤਨੀ ਦਾ ਰੂਪ ਹੈ ਔਰਤ
ਹਰ ਮਰਦ ਦੀ ਸਫਲਤਾ ਪਿੱਛੇ ਹੈ ਔਰਤ
ਹਰ ਅਧਿਕਾਰ ਦੀ ਹੱਕਦਾਰ ਹੈ ਔਰਤ
ਜ਼ੁਲਮ ਲਈ ਇੱਕ ਕਟਾਰ ਹੈ ਔਰਤ।

ਔਰਤ ਦੇ ਨਾਲ ਹੀ ਹੈ ਮੁੱਢ ਸਮਾਜ ਦਾ
ਅੱਜ ਦੀ ਜਰੂਰਤ ਹੈ ਔਰਤ
ਚਾਰੇ ਪਾਸੇ ਚਾਨਣ ਬਿਖੇਰ ਦੇਵੇ
ਦੀਵੇ ਦੀ ਲੋਅ ਹੈ ਔਰਤ
ਗਗਨ ਜੋ ਨਿੱਕੇ-ਨਿੱਕੇ ਰਾਹਾਂ ‘ਤੇ
ਵੱਡੀਆਂ ਵੱਡੀਆਂ ਪੈੜਾਂ ਕਰੇ
ਧਾਲੀਵਾਲ ਹਰ ਮੁਸਾਫਿਰ ਦੀ ਮੰਜ਼ਿਲ ਹੈ ਔਰਤ।23052021

ਗਗਨਦੀਪ ਕੌਰ ਧਾਲੀਵਾਲ
ਪਿੰਡ ਝਲੂਰ (ਬਰਨਾਲਾ)
ਮੋ – 9988933161