ਧੀਆਂ

ਕਿਉਂ ਲੋਕੋ ਜੱਗ ਵਿੱਚ ਰੀਤ ਪੁੱਠੀ ਜਿਹੀ ਪੈ ਗਈ
ਧੀ ਜਨਮ ਲੈਣ ਤੋ ਪਹਿਲਾ ਹੀ ਵੱਸ ਮਸ਼ੀਨਾਂ ਦੇ ਪੈ ਗਈ
ਇਨਸਾਨ ਕਿਉਂ ਇੱਕੋ ਗੱਲ ਨੂੰ ਪੱਲੇ ਬੰਨ੍ਹ ਕੇ ਬਹਿ ਗਿਆ
ਕਿ ਸਭ ਕੁੱਝ ਦੁਨੀਆਂ `ਤੇ ਪੁੱਤਰਾਂ ਨਾਲ ਹੀ ਰਹਿ ਗਿਆ
ਕਾਹਤੋਂ ਜਨਮ ਲੈਣ ਨੀ ਦਿੰਦੇ ਧੀਆਂ ਨੂੰ।
ਕਿਉਂ ਲੋਕੋ ਤੁਸੀ ਕੁੱਖਾਂ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆਂ ਜੀਆਂ ਨੂੰ।

ਇੱਕ ਧੀ ਹੀ ਤਾਂ ਭੈਣ ਭੂਆ ਮਾਸੀ
ਬਣ ਕੇ ਵੱਖ ਵੱਖ ਫਰਜ਼ ਨਿਭਾਉਂਦੀ ਏ
ਆਪਣੇ ਹੱਥੀਂ ਤੁਸੀਂ ਕਰਾਉਂਦੇ ਫਿਰਦੇ
ਪਰ ਉਹ ਉਸ ਦਾਤੇ ਤੋਂ ਸੁੱਖ ਥੋਡੀ ਚਾਹੁੰਦੀ ਏ
ਦੁੱਖ ਵੰਡਾਉਦੀਆਂ ਮਾਪਿਆ ਦੇ ਫਿਰ ਵੀ ਬੋਝ ਸਮਝਦੇ ਧੀਆਂ ਨੂੰ।
ਕਿਉ ਲੋਕੋ ਤੁਸੀ ਕੁੱਖਾਂ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆਂ ਜੀਆਂ ਨੂੰ।

ਭੁੱਖ ਪੈਸਿਆਂ ਦੀ ਹੈ ਵਧ ਗਈ
ਬਣ ਗਿਆ ਹੈਵਾਨ ਡਾਕਟਰੀ ਪੇਸ਼ਾ
ਔਰਤ ਅੱਜਕਲ ਮਰਦ ਬਰਾਬਰ ਚੱਲਦੀ
ਬੁਰਜ ਲੱਧੇ ਦੇ ਸੰਧੂਆ ਜਾ ਕੇ ਵੇਖ ਲੈ ਵਿੱਚ ਵਿਦੇਸ਼ਾਂ
ਪੰਜਾਬ `ਚ ਵੇਖਣ ਲਈ ਤਰਸਣ ਅੱਖੀਆਂ
ਪਿੱਪਲਾਂ ਥੱਲੇ ਲੱਗਦੀਆਂ ਤੀਆ ਨੂੰ।
ਕਿਉਂ ਲੋਕੋ ਤੁਸੀਂ ਕੁੱਖਾਂ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆ ਜੀਆਂ ਨੂੰ।

ਬਲਤੇਜ ਸੰਧੂ ਬੁਰਜ
ਬੁਰਜ ਲੱਧਾ ਬਠਿੰਡਾ
ਮੋ – 9465818158