ਸਵਿਫਟ ਕਾਰ ਅੱਗੇ ਗਾਂ ਆ ਜਾਣ ‘ਤੇ ਸੜਕ ਹਾਦਸਾ- ਪਿਤਾ ਪੁੱਤਰੀ ਗੰਭੀਰ ਜਖਮੀ

ਭਿੱਖੀਵਿੰਡ, 5 ਜੁਲਾਈ (ਲਖਵਿੰਦਰ ਸਿੰਘ ਗੋਲਣ) ਅੱਜ ਤਕਰੀਬਨ 7.30 ਵਜੇ ਗੁਰਦੁਆਰਾ ਸ਼ਹੀਦ ਬਾਬਾ ਦੀਪ ਸਿੰਘ ਪਹੁਵਿੰਡ ਸਾਹਿਬ ਤੋਂ ਖੀਰ ਚੜਾ ਕੇ ਸਵਿਫਟ ਕਾਰ ਨੰ. ਪੀ.ਬੀ.46-ਕੇ-6430 ‘ਤੇ ਵਾਪਸ ਆ ਰਹੇ ਇੱਕ ਵਿਅਕਤੀ ਸੂਰਜ ਪਾਲ ਸਿੰਘ ਪੁੱਤਰ ਪ੍ਰਗਟ ਸਿੰਘ ਵਾਸੀ ਸਾਧਰਾ ਦਾ ਅਚਾਨਕ ਸੜਕ ਵਿੱਚ ਗਾਂ ਦੇ ਆ ਜਾਣ ਕਾਰਨ ਗੱਡੀ ਦਾ ਸੰਤੁਲਨ ਵਿਗੜ ਗਿਆ ਤੇ ਸਵਿਫਟ ਗੱਡੀ ਇਕ ਪਾਸੇ ਘੁੰਮ ਕੇ ਦਰੱਖਤ ਵਿੱਚ ਜਾ ਵੱਜੀ। ਜਿਸ ਕਾਰਨ ਸੂਰਜਪਾਲ ਸਿੰਘ ਅਤੇ ਉਸ ਦੀ ਪੁੱਤਰੀ ਕਾਜ਼ਲਪ੍ਰੀਤ ਕੌਰ ਗੰਭੀਰ ਹਾਲਤ ਵਿੱਚ ਜਖਮੀ ਹੋ ਗਏ।ਮੌਕੇ ਤੇ ਪੁੱਜੇ ਲੋਕਾਂ ਨੇ ਨੇੜੇ ਪੈਂਦੇ ਥਾਣਾ ਭਿੱਖਵਿੰਡ ਵਿੱਚ ਇਤਲਾਹ ਕਰਕੇ 108 ਐਂਬੂਲੈਂਸ ਦੀ ਮਦਦ ਨਾਲ ਜਖਮੀਆਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ, ਜਿਥੇ ਉਨਾਂ ਦਾ ਇਲਾਜ਼ ਚੱਲ ਰਿਹਾ ਹੈ।