ਜੋਸ਼ੀ ਨੂੰ ਮਿਲੇ ਅਮਰੀਕਾ ਵਿਚ ਮਾਰੇ ਗਏ ਯੁਵਕ ਦੇ ਪ੍ਰੀਵਾਰਕ ਮੈਂਬਰ

ਅੰਮ੍ਰਿਤਸਰ, 10 ਅਗਸਤ (ਸੁਖਬੀਰ ਸਿੰਘ) – ਅਮਰੀਕਾ ਵਿਚ ਗੈਸ ਸਟੇਸ਼ਨ ਤੇ ਮਾਰੇ ਗਏ ਯੁਵਕ ਰਜਿੰਦਰ ਸ਼ਰਮਾ ਦੇ ਪਰਿਵਾਰ ਵਾਲੇ ਕੈਬਿਨਟ ਮੰਤਰੀ ਅਨਿਲ ਜੋਸ਼ੀ ਨੂੰ ਮਿਲੇ ਅਤੇ ਗੁਹਾਰ ਲਾਈ ਕਿ ਚਾਹੇ ਉਹ ਆਪਣੇ ਪੁੱਤਰ ਨੂੰ ਮਿਲ ਨਹੀ ਸਕੇ, ਪਰ ਉਹਨਾਂ ਦੀ ਇੱਛਾ ਹੈ ਕਿ ਉਹ ਆਖੀਰਲੀ ਵਾਰ ਹੀ ਉਸ ਨੂੰ ਇੱਕ ਵਾਰ ਜਰੂਰ ਦੇਖ ਸਕਣ।ਸ੍ਰੀ ਜੋਸ਼ੀ ਨੇ ਉਹਨਾਂ ਨਾਲ ਦੁੱਖ ਸਾਂਝਾ ਕੀਤਾ ਅਤੇ ਭਰੋਸਾ ਦਿੱਤਾ ਕਿ ਉਹ ਹਰ ਵੇਲੇ ਰਜਿੰਦਰ ਦੇ ਪਰਿਵਾਰ  ਦੇ ਨਾਲ ਹਨ ਅਤੇ ਜੋ ਵੀ ਵੱਧ ਤੋਂ ਵੱਧ ਹੋ ਸਕਿਆ ਉਹ ਜਰੂਰ ਕਰਨਗੇ। ਉਨਾਂ ਹੋਰ ਕਿਹਾ ਕਿ ਉਹ ਮ੍ਰਿਤਕ ਦੀ ਲਾਸ਼ ਵਾਪਿਸ ਲਿਆਉਣ ਲਈ ਕੇਂਦਰੀ ਵਿਦੇਸ਼ ਮੰਤਰੀ ਸ਼੍ਰੀ ਮਤੀ ਸ਼ੁਸ਼ਮਾ ਸਵਰਾਜ ਨਾਲ ਸੰਪਰਕ ਕਰਨਗੇ।