`ਦ ਅੋਪੀਅਮ ਟਾਫੀ` – ਲੇਖਕ ਖੁਸ਼ਵੰਤ ਸਿੰਘ ਵੱਲੋਂ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨਾਲ ਮਿਲਣੀ

ਅੰਮ੍ਰਿਤਸਰ, 11 ਨਵੰਬਰ (ਸੁਖਬੀਰ ਖੁਰਮਣੀਆਂ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ `ਚ ਲੇਖਕ ਮਿਲਣੀ ਪ੍ਰੋਗਰਾਮ ਤਹਿਤ ਪ੍ਰਸਿੱਧ ਲੇਖਕ ਖੁਸ਼ਵੰਤ ਸਿੰਘ ਸ਼ੁਕਰਵਾਰ ਨੂੰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਅਤੇ ਫੈਕਲਟੀ ਮੈਂਬਰਾਂ ਦੇ ਰੂਬਰੂ ਹੋਏ।ਖੁਸ਼ਵੰਤ ਸਿੰਘ ਨੇ ਇੱਕ ਸਿਰਜਣਾਤਮਕ ਕਲਾਕਾਰ ਵਜੋਂ ਆਪਣੇ ਸਫ਼ਰ ਬਾਰੇ ਗੱਲ ਕਰਦਿਆਂ ਪੰਜਾਬ ਵਿੱਚ 1980 ਦੇ ਦਹਾਕੇ ਦੇ ਦੁੱਖਦਾਈ ਸਮੇਂ ਦੀ ਕਹਾਣੀ ਨੂੰ ਉਜਾਗਰ ਕਰਦੇ ਆਪਣੇ ਨਵੀਨਤਮ ਨਾਵਲ ‘ਦ ਅੋਪੀਅਮ ਟੌਫੀ’ `ਤੇ ਵਿਸਥਾਰ ਵਿਚ ਚਰਚਾ ਕੀਤੀ।
ਉਨ੍ਹਾਂ ਦੱਸਿਆ ਕਿ ਜਦੋਂ ਕਿ ਇਸ ਸਮੇਂ ਬਾਰੇ ਬਹੁਤ ਸਾਰੀਆਂ ਗੈਰ-ਗਲਪਨਿਕ ਰਚਨਾਵਾਂ ਹਨ, ਬਹੁਤ ਸਾਰੀਆਂ ਗਲਪਨਿਕ ਪੇਸ਼ਕਾਰੀਆਂ ਸਾਹਮਣੇ ਨਹੀਂ ਆਈਆਂ ਹਨ ਅਤੇ ਇਹ ਸਿਰਫ ਗਲਪ ਰੂਪ ਹੈ ਜਿਸ ਵਿੱਚ ਕੁੱਝ ਸਥਿਤੀਆਂ ਦੇ ਸੰਬੰਧ ਵਿੱਚ ਲੋਕਾਂ ਨੂੰ ਕਈ ਤਰ੍ਹਾਂ ਦੇ ਸਦਮੇ ਤੋਂ ਬਾਹਰ ਕੱਢਣ ਦੀ ਸ਼ਕਤੀ ਹੈ।ਇਸ ਦੀ ਕਹਾਣੀ ਵਿਚ ਨਸ਼ੀਲੇ ਪਦਾਰਥਾਂ ਅਤੇ ਗੈਰ-ਕਾਨੂੰਨੀ ਮਨੁੱਖੀ ਤਸਕਰੀ ਬਾਰੇ ਵਿਸਥਾਰ ਤੋਂ ਇਲਾਵਾ, ਇਹ ਨਾਵਲ ਖਾਸ ਤੌਰ `ਤੇ ਉਨ੍ਹਾਂ ਲੋਕਾਂ ਬਾਰੇ ਗੱਲ ਕਰਦਾ ਹੈ, ਜੋ ਚੜ੍ਹਦੀ ਜਵਾਨੀ ਵਿੱਚ ਦੋ ਵਿਰੋਧੀ ਤਾਕਤਾਂ-ਅੱਤਵਾਦੀਆਂ ਅਤੇ ਸੁਰੱਖਿਆ ਏਜੰਸੀਆਂ ਵਿਚਕਾਰ ਫਸੇ ਹੋਏ ਸਨ।
ਉਨ੍ਹਾਂ ਦੱਸਿਆ ਕਿ ਇਸ ਵਿੱਚ ਮੁੱਖ ਪਾਤਰ ਆਪਣੀ ਜ਼ਿੰਦਗੀ ਦੇ ਪਿਆਰ ਰਾਹੀਂ ਵਾਪਸ ਜਾਣ ਦਾ ਰਸਤਾ ਲੱਭਦਾ ਹੈ ਅਤੇ ਕਹਾਣੀ ਕੁੱਝ ਕੱਟੜਤਾ ਵਾਲੇ ਸਮੇਂ ਦੌਰਾਨ ਜ਼ਹਿਰੀਲੇ ਪਿਤਰੀਵਾਦ ਦੇ ਮਾਹੌਲ ਬਾਰੇ ਵੀ ਸੁਆਲ ਪੈਦਾ ਕਰਦੀ ਜੋ ਆਪਣੀਆਂ ਇੱਛਾਵਾਂ ਨੂੰ ਪੂਰਾ ਕਰਨ ਲਈ ਸੰਘਰਸ਼ ਕਰ ਰਹੀਆਂ ਜੁਆਨ ਔਰਤਾਂ ਦੇ ਰਾਹ ਵਿੱਚ ਆਇਆ ਸੀ।
ਖੁਸ਼ਵੰਤ ਸਿੰਘ ਦਾ ਪਹਿਲਾ ਨਾਵਲ ਮਹਾਰਾਜਾ ਇਨ ਡੇਨਿਮਜ਼ ਜੋ ਬੀਤੇ ਜੀਵਨ ਦੇ ਸੰਕਲਪ ਨੂੰ ਵਰਤਦਾ ਹੈ, ਪੰਜਾਬ ਦੇ ਨੌਜਵਾਨਾਂ ਦੀ ਕਹਾਣੀ ਦਰਸਾਉਂਦਾ ਹੈ ਜੋ ਉਸ ਮੁਸ਼ਕਲ ਦੌਰ ਵਿਚੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੇ ਹਨ।ਉਹਨਾਂ ਇਸ ਮੌਕੇ ਗਲਪ ਦੇ ਨਾਲ-ਨਾਲ ਗੈਰ-ਗਲਪਨਿਕ ਰਚਨਾਵਾਂ ਜਿਵੇਂ ਕਿ ਕੈਪਟਨ ਅਮਰਿੰਦਰ ਸਿੰਘ ਅਤੇ ਬਾਬਾ ਫੌਜਾ ਸਿੰਘ ਦੀਆਂ ਜੀਵਨੀਆਂ ਦੇ ਨਿਰਮਾਣ ਬਾਰੇ ਵੀ ਗੱਲਬਾਤ ਕੀਤੀ।
ਇਸ ਮੌਕੇ ਉਨ੍ਹਾਂ ਖੁਸ਼ਵੰਤ ਸਿੰਘ ਸੀਨੀਅਰ ਨਾਲ ਆਪਣਾ ਨਾਮ ਸਾਂਝਾ ਕਰਨ ਤੋਂ ਪੈਦਾ ਹੋਏ ਉਲਝਣਾਂ ਬਾਰੇ ਕੁਝ ਦਿਲਚਸਪ ਕਿੱਸੇ ਸੁਣਾਏ। ਇਸ ਤੋਂ ਪਹਿਲਾਂ ਓ.ਐਸ.ਡੀ ਟੂ ਵਾਈਸ-ਚਾਂਸਲਰ ਡਾ. ਹਰਦੀਪ ਸਿੰਘ ਨੇ ਲੇਖਕ ਦਾ ਸਵਾਗਤ ਅਤੇ ਸਨਮਾਨਿਤ ਕੀਤਾ।ਡਾ. ਅਨੀਸ਼ ਦੁਆ ਡੀਨ ਵਿਦਿਆਰਥੀ ਭਲਾਈ ਨੇ ਸਮਾਗਮ ਦੀ ਪ੍ਰਧਾਨਗੀ ਕੀਤੀ ਜਦਕਿ ਗੁਨਬੀਰ ਸਿੰਘ ਲੇਖਕ ਅਤੇ ਵਾਤਾਵਰਣ ਪ੍ਰੇਮੀ ਨੇ ਖੁਸ਼਼ਵੰਤ ਸਿੰਘ ਦੇ ਕੰਮ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਡਾ. ਯੂਬੀ ਗਿੱਲ ਮੁਖੀ ਅੰਗਰੇਜ਼ੀ ਵਿਭਾਗ ਨੇ ਸੈਸ਼ਨ ਦਾ ਸੰਚਾਲਨ ਕੀਤਾ।