ਫਾਜਿਲਕਾ, 23 ਮਾਰਚ (ਵਿਨੀਤ ਅਰੋੜਾ)- ਸੋਸ਼ਲ ਵੇਲਫੇਅਰ ਸੋਸਾਇਟੀ ਅਤੇ ਮਾਰਸ਼ਲ ਐਜੂਕੇਸ਼ਨਲ ਸੋਸਾਇਟੀ ਵੱਲੋਂ ਹਰ ਇੱਕ ਸਾਲ ਦੀ ਤਰਾਂ ਇਸ ਸਾਲ ਵੀ ਸ਼ਹੀਦ ਭਗਤ ਸਿੰਘ, ਰਾਜਗੁਰੁ ਅਤੇ ਸੁਖਦੇਵ ਦਾ ਸ਼ਹੀਦੀ ਦਿਵਸ ਬੜੀ ਧੂਮਧਾਮ ਅਤੇ ਜੋਸ਼ ਨਾਲ ਮਨਾਇਆ ਗਿਆ।ਜਾਣਕਾਰੀ ਦਿੰਦੇ ਸੋਸਾਇਟੀ ਦੇ ਪ੍ਰੋਜੇਕਟ ਚੇਅਰਮੈਨ ਅਤੇ ਸਕੱਤਰ ਹਿਤੇਸ਼ ਸ਼ਰਮਾ ਅਤੇ ਰਮਨਦੀਪ ਸਿੰਘ ਨੇ ਦੱਸਿਆ ਕਿ ਇਸ ਮੌਕੇ ਉੱਤੇ ਸੇਵਾਮੁਕਤ ਜੇਲ ਸੁਪਰਡੰਟ ਤਿਹਾੜ ਜੇਲ ਦਿੱਲੀ ਆਰਏਸ ਸਾਰਵਾਨ, ਸਮਾਜਸੇਵੀ ਬਾਬੂ ਲਾਲ ਅਰੋੜਾ, ਵਿਸ਼ਵ ਹਿੰਦੂ ਪਰਿਸ਼ਦ ਦੇ ਪ੍ਰਧਾਨ ਲੀਲਾਧਰ ਸ਼ਰਮਾ, ਅਸ਼ੋਕ ਸ਼ਰਮਾ, ਨਿਰੰਜਨ ਸ਼ਰਮਾ ਅਤੇ ਨਰਿੰਦਰ ਬਾਵਾ ਵਿਸ਼ੇਸ਼ ਤੌਰ ਉੱਤੇ ਮੌਜੂਦ ਹੋਏ। ਨੋਜਵਾਵਾਂ ਨੇ ਸੰਸਥਾ ਦੇ ਪ੍ਰਧਾਨ ਸੰਜੀਵ ਮਾਰਸ਼ਲ ਦੀ ਅਗਵਾਈ ਵਿੱਚ ਸ਼ਹਿਰ ਵਿੱਚ ਇੱਕ ਜਾਗਰੂਕਤਾ ਮਾਰਚ ਕੱਢਿਆ ਗਿਆ ਜੋ ਮਾਰਸ਼ਲ ਜਿਮ ਐਂਡ ਅਕੈਡਮੀ ਤੋਂ ਸ਼ੁਰੂ ਹੋਕੇ ਚੌਂਕ ਘੰਟਾ ਘਰ ਵਿਖੇ ਖਤਮ ਹੋਇਆ। ਇਸ ਮੌਕੇ ਅਕੈਡਮੀ ਦੇ ਵਿਦਿਆਰਥੀ ਪਰਵਿੰਦਰ, ਬੀਰਬਲ, ਸੌਰਭ,ਜਗਮੀਤ, ਬਲਜੀਤ, ਹੇੱਪੀ ਖੇੜਾ, ਪ੍ਰੀਤ, ਸਾਜਨ, ਸੁਨੀਲ, ਸੁਨੀਲ ਕਸ਼ਿਅਪ, ਹਰਜਿੰਦਰ, ਕਿਸ਼ੋਰ, ਵਾਸੂ, ਪੰਕਜ ਨੇ ਪੀਲੀਆਂ ਪੱਗਾ ਬੰਨ ਕੇ ਅਤੇ ਸ਼ਹੀਦ ਭਗਤ ਸਿੰਘ ਦਾ ਪ੍ਰਸਿੱਧ ਗੀਤ ਮੇਰਾ ਰੰਗ ਦੇ ਬਸੰਤੀ ਚੋਲਾ ਅਤੇ ਹੋਰ ਦੇਸ਼ ਭਗਤੀ ਦੇ ਗੀਤ ਗਾਉਂਦੇ ਹੋਏ ਚੱਲ ਰਹੇ ਸਨ । ਚੌਂਕ ਘੰਟਾ ਘਰ ਉੱਤੇ ਇੱਕ ਡਰਾਮਾ ‘ਮੈਨੂੰ ਮੁੜ ਆਣਾ ਪÀ’ੂ ਦਾ ਮੰਚਨ ਕੀਤਾ ਗਿਆ । ਇਸ ਮੌਕੇ ਉੱਤੇ ਮਾਰਸ਼ਲ ਨੇ ਦੱਸਿਆ ਕਿ ਸ਼ਹੀਦ-ਏ -ਆਜ਼ਮ ਭਗਤ ਸਿੰਘ ਅਤੇ ਉਸਦੇ ਸਾਥੀਆਂ ਦੇ ਸੁਪਨੇ ਸਾਕਾਰ ਨਹੀਂ ਹੋਏ ਹਨ । ਉਨਾਂ ਨੇ ਕਿਹਾ ਕਿ ਸ਼ਹੀਦ ਭਗਤ ਸਿੰਘ, ਰਾਜਗੁਰੁ ਸੁਖਦੇਵ ਅਜਿਹੇ ਸੂਰਮਾ ਸਨ, ਜਿਨਾਂ ਨੇ ਲੁਟੇਰੇ ਨਿਜਾਮ ਨੂੰ ਬਦਲਕੇ ਬਹੁਤ ਵਧੀਆ ਪ੍ਰਬੰਧ ਸਥਾਪਤ ਕਰਨ ਦਾ ਸੁਫ਼ਨਾ ਲਿਆ ਸੀ ਅਤੇ ਇਸ ਸੋਚ ਸਦਕਾ ਹੀ ਉਨਾਂ ਨੇ ਦੁਨੀਆ ਨੂੰ ਕ੍ਰਾਂਤੀਕਾਰੀ ਰਸਤਾ ਦਿਖਾਇਆ।ਇਸ ਮੌਕੇ ਉੱਤੇ ਮਾਰਸ਼ਲ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਨੋਜਵਾਨਾਂ ਨੂੰ ਸ਼ਹੀਦਾਂ ਦੇ ਇਤਹਾਸ ਨਾਲ ਜੁੜਣਾ ਬਹੁਤ ਜਰੂਰੀ ਹੈ ।ਨੌਜਵਾਨ ਹੀ ਸ਼ਹੀਦਾਂ ਦੇ ਸਪਨੇ ਹੁਣੇ ਵੀ ਪੂਰੇ ਨਹੀ ਹੋਏ ਉਨਾਂਨੂੰ ਜਾਗਰੂਕ ਨੌਜਵਾਨ ਹੀ ਪੂਰਾ ਕਰ ਸੱਕਦੇ ਹਨ ਅਤੇ ਸੱਤਾ ਤਬਦੀਲੀ ਦੇ ਨਾਲ-ਨਾਲ ਆਜ਼ਾਦੀ ਤਬਦੀਲੀ ਬਹੁਤ ਹੀ ਜਰੂਰੀ ਹੈ ।ਇਸ ਮੌਕੇ ਰਮਨਦੀਪ, ਹਿਤੇਸ਼, ਸੁਰਿੰਦਰ, ਗਿਆਨਦੀਪ, ਮੋਹਿਤ ਨੇ ਦੇਸ਼ ਭਗਤੀ ਦੇ ਗੀਤਾਂ ਨੇ ਲੋਕਾਂ ਨੂੰ ਸੋਚਣ ਲਈ ਮਜਬੂਰ ਕਰ ਦਿੱਤਾ।ਪ੍ਰੋਗਰਾਮ ਵਿੱਚ ਸਾਜਨ, ਰਾਜੇਂਦਰ, ਗੁਰਵਿੰਦਰ ਨੇ ਭਗਤ ਸਿੰਘ, ਰਾਜਗੁਰੁ ਅਤੇ ਸੁਖਦੇਵ ਦੀ ਭੂਮਿਕਾ ਨਿਭਾਈ।
Check Also
ਹੋਟਲ ਅਤੇ ਐਗਰੋ ਬੇਸ ਉਦਯੋਗ ਸਥਾਪਿਤ ਹੋਣ ਨਾਲ, ਨੌਜਵਾਨਾਂ ਨੂੰ ਮਿਲੇਗਾ ਰੁਜ਼ਗਾਰ – ਸੰਧੂ ਸਮੁੰਦਰੀ
ਅੰਮ੍ਰਿਤਸਰ, 18 ਮਈ (ਸੁਖਬੀਰ ਸਿੰਘ) – ਅੰਮ੍ਰਿਤਸਰ ਲੋਕ ਸਭਾ ਹਲਕੇ ਤੋਂ ਭਾਜਪਾ ਦੇ ਉਮੀਦਵਾਰ ਤਰਨਜੀਤ …