ਇਮਿਊਨੋ ਬੂਸਟਰ ਆਯੁਰਵੈਦਿਕ ਦਵਾਈ ਦੀ ਮੁਫਤ ਫੰਡ ਦੀ ਮੁਹਿੰਮ ਜਾਰੀ

ਐਸ.ਏ.ਐਸ ਨਗਰ, 16 ਮਈ (ਪੰਜਾਬ ਪੋਸਟ ਬਿਊਰੋ) – ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਵੱਖ-ਵੱਖ ਵਿਭਾਗਾਂ ਦੇ ਫਰੰਟਲਾਈਨ ਕਰਮਚਾਰੀਆਂ ਨੂੰ ਇਮਿਊਨੋ ਬੂਸਟਰ ਆਯੁਰਵੈਦਿਕ ਦਵਾਈ ਦੀ ਮੁਫਤ ਵੰਡ ਦੀ ਮੁਹਿੰਮ ਅੱਜ ਆਯੁਰਵੈਦ ਵਿਭਾਗ ਨੇ ਸਹਾਇਕ ਕਮਿਸ਼ਨਰ (ਜਨਰਲ) ਯਸ਼ਪਾਲ ਸ਼ਰਮਾ ਨੂੰ ਪੂਰਾ ਪੈਕੇਟ ਸੌਂਪਦਿਆਂ ਜਾਰੀ ਰੱਖੀ।
            ਸਹਾਇਕ ਕਮਿਸ਼ਨਰ (ਜਨਰਲ) ਨੇ ਇਸ ਉਦਮ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਡੀ.ਸੀ ਗਿਰੀਸ਼ ਦਿਆਲਨ ਦੀ ਅਗਵਾਈ ਹੇਠ ਜਿਲ੍ਹਾ ਪਸਾਸ਼ਨ ਲੋਕਾਂ ਨੂੰ ਇਸ ਸੰਕਟ ਸਮੇਂ ਬਿਹਤਰ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾ ਰਿਹਾ ਹੈ ਤਾਂ ਜੋ ਕੋਰੋਨਾ ਵਾਇਰਸ ਦਾ ਪ੍ਰਭਾਵਸ਼ਾਲੀ ਢੰਗ ਨਾਲ ਮੁਕਾਬਲਾ ਕੀਤਾ ਜਾ ਸਕੇ।
ਇਸ ਟੀਮ ਵਿੱਚ ਸਿਖਲਾਈ ਲਈ ਜਿਲ੍ਹਾ ਨੋਡਲ ਅਫ਼ਸਰ ਡਾ. ਕ੍ਰਿਤਿਕਾ ਭਨੋਟ, ਕੋਆਰਡੀਨੇਟਰ ਡਾ. ਆਸ਼ਿਮਾ ਸ਼ਰਮਾ, ਡਾ. ਹਰਦੀਪ ਸਿੰਘ ਅਤੇ ਡਾ. ਗੁਰਪ੍ਰੀਤ ਸਮਾ ਨੇ ਦੱਸਿਆ ਕਿ ਆਸ਼ਾ ਵਰਕਰਾਂ, ਏ.ਐਨ.ਐਮ, ਸਰਪੰਚਾਂ ਤੇ ਪੰਚਾਂ, ਪੁਲਿਸ, ਪ੍ਰਾਈਵੇਟ ਆਯੂਸ਼ ਪ੍ਰੈਕਟੀਸ਼ਨਰ, ਵਾਲੰਟੀਅਰ ਨੂੰ ਆਨਲਾਈਨ ਸਿਖਲਾਈ ਦਿੱਤੀ ਜਾ ਰਹੀ ਹੈ ਤਾਂ ਜੋ ਇਹ ਦਵਾਈ ਸਮਾਜ ਦੇ ਸਾਰੇ ਵਰਗਾਂ ਤੱਕ ਪਹੁੰਚ ਸਕੇ।