ਹਰ ਮੰਗਲਵਾਰ ਅਤੇ ਵੀਰਵਾਰ ਪਟਵਾਰੀ ਆਪਣੇ-ਆਪਣੇ ਪਟਵਾਰ ਹਲਕੇ ਵਿਚ ਹਾਜਰ ਰਹਿਣਗੇ – ਬਰਾੜ

ਫਾਜਿਲਕਾ, 12 ਅਗਸਤ (ਵਿਨੀਤ ਅਰੋੜਾ) – ਪੰਜਾਬ ਸਰਕਾਰ ਵੱਲੋਂ ਲੋਕਾਂ ਦੀ ਸਹੂਲਤ ਨੂੰ ਮੁੱਖ ਰਖਦਿਆਂ ਪਟਵਾਰੀਆਂ/ਕਾਨੂੰਗੋਆ ਦੁਆਰਾ ਪਟਵਾਰ ਖਾਨਿਆਂ ਵਿਚ ਬੈਠਣ ਅਤੇ ਆਮ ਲੋਕਾਂ ਨੂੰ ਮਿਲਣ ਸਬੰਧੀ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ। ਇਹ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਸ.ਮਨਜੀਤ ਸਿੰਘ ਬਰਾੜ ਨੇ ਦੱਸਿਆ ਕਿ ਸਮੂਹ ਪਟਵਾਰੀ ਹਫਤੇ ਵਿਚ ਦੋ ਦਿਨ ਮੰਗਲਵਾਰ ਅਤੇ ਵੀਰਵਾਰ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਆਪਣੇ-ਆਪਣੇ ਪਟਵਾਰ ਹਲਕੇ ਵਿਚ ਹਾਜਰ ਰਹਿਣਗੇ ਅਤੇ ਬਾਕੀ ਦੇ ਤਿੰਨ ਦਿਨ ਉਹ ਤਹਿਸੀਲ/ਸਬ ਤਹਿਸੀਲ ਪੱਧਰ ਤੇ ਜਿਥੇ ਫਰਦ ਕੇਂਦਰ ਅਤੇ ਵਰਕ ਸਟੇਸ਼ਨ ਬਣੇ ਹੋਏ ਹਨ ਹਾਜਰ ਰਹਿਣਗੇ ।