ਡਾ. ਦਲਜੀਤ ਸਿੰਘ ਨੂੰ ਆਪਣੀਆਂ ਮੁਸ਼ਕਲਾਂ ਤੋ ਪੂਰੀ ਤਰਾਂ ਜਾਣੂ ਕਰਵਾਇਆ

ਅੰਮ੍ਰਿਤਸਰ, 2 ਅਪ੍ਰੈਲ ( ਸੁਖਬੀਰ ਸਿੰਘ)- ਆਮ ਆਦਮੀ ਪਾਰਟੀ ਦੇ ਅੰਮ੍ਰਿਤਸਰ ਤੋਂ ਉਮੀਦਵਾਰ ਅਤੇ ਅੱਖਾਂ ਦੇ ਪ੍ਰਸਿੱਧ ਡਾ. ਦਲਜੀਤ ਸਿੰਘ ਦਾ ਰੋਡ ਸ਼ੋਅ ਗੇਟ ਖਜਾਨਾ ਤੋ ਸ਼ੁਰੂ ਹੁੰਦਾ ਹੋਇਆ ਲੋਹਗੜ ਗੇਟ, ਲਾਹੌਰੀ ਗੇਟ, ਨਮਕ ਮੰਡਲ, ਸ਼ਕਤੀ ਨਗਰ ਵਿਚੋ ਨਿਕਲਿਆ ਅਤੇ ਸਵੇਰੇ-ਸਵੇਰੇ ਹੀ ਲੋਕ ਆਪਣੇ ਘਰਾਂ ਵਿਚੋ ਨਿਕਲ ਕੇ ਆਏ ਅਤੇ ਡਾਕਟਰ ਸਾਹਿਬ ਨੂੰ ਆਪਣੀਆਂ ਮੁਸ਼ਕਲਾਂ ਤੋ ਪੂਰੀ ਤਰਾਂ ਜਾਣੂ ਕਰਵਾਇਆ।  ਮੁਸ਼ਕਲਾਂ ਇਸ ਤਰਾਂ ਸਨ, ਕਿਤੇ ਨਾਲੀਆਂ ਤੇ ਸੀਵਰੇਜ਼ ਗੰਦਗੀ ਨਾਲ ਭਰੇ ਹੋਏ ਸਨ, ਕਿੱਤੇ ਗੰਦਗੀ ਅਤੇ ਬਦਬੂ ਦੇ ਢੇਰ ਲੱਗੇ ਸਨ।  ਇਕ ਸ਼ਹਿਰੀ ਨੇ ਡਾਕਟਰ ਸਾਹਿਬ ਦਾ ਹੱਥ ਫੜ ਕੇ ਇਕ ਅਜਿਹੀ ਸਕੜੀ ਗਲੀ ਦਿਖਾਈ ਜਿਹੜੀ ਕਿ ਬਿਲਕੁਲ ਟੂਟੀ-ਫੂਟੀ ਪਈ ਸੀ। ‘ਹਮ ਤੋ ਨਰਕ ਮੇ ਰਹਿਤੇ ਹੈ’ ‘ਵੋ ਬੋਲੇ’ ‘ਕਾਰਪੋਰੇਸ਼ਨ ਦਾ ਕੋਈ ਵੀ ਅਫਸਰ ਸਾਡੇ ਬੁਲਾਉਣ ਦੇ ਬਾਅਦ ਵੀ ਨਹੀ ਆਇਆ।’  ਵੇਰਕਾ ਵਿਚ ਵੀ ਕਹਾਣੀ ਉਹੀ ਸੀ ਇਕ ਵਾਰ ਮੇਨ ਸੜਕ ਤੋ ਪਿੰਡਾਂ ਦੇ ਅੰਦਰ ਨੂੰ ਮੁੜਣ ਤੇ ਸੜਕਾਂ ਗਾਇਬ ਸਨ। ਡਾਟਕਟਰ ਸਾਹਿਬ ਦਾ  ਰੋਡ ਸ਼ੋਅ ਕਥੂਨੰਗਲ, ਗੋਪਾਲਪੁਰਾ ਅਤੇ ਜੈਂਤੀਪਰ ਵਿਚ ਵੀ ਗਿਆ।