ਹੌਣਹਾਰ ਵਿਦਿਆਰਥੀਆਂ ਨੂੰ ਕੀਤਾ ਪਿੰਡ ਦੇ ਮੋਹਤਵਾਰਾਂ ਤੇ ਮਾਪਿਆਂ ਨੇ ਸਨਮਾਨਤ

ਫਾਜਿਲਕਾ, 2 ਅਪ੍ਰੈਲ (ਵਿਨੀਤ ਅਰੋੜਾ):  ਸਰਕਾਰੀ ਪ੍ਰਾਇਮਰੀ ਸਕੂਲ ਗੁਲਾਬੇਵਾਲੀ ਭੈਣੀ ਦਾ ਐਲਾਨਿਆ ਗਿਆ ਨਤੀਜਾ ਸੌ ਫੀਸਦੀ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਕੂਲ ਅਧਿਆਪਕ ਅਨਿਲ ਕੁਮਾਰ ਨੇ ਦੱਸਿਆ ਕਿ ਸ਼ੈਸਨ 2013-14 ਦੇ ਨਤੀਜੇ ਵਿਚ ਸਕੂਲ ਦੇ ਸਾਰੀਆਂ ਜਮਾਤਾਂ ਦੇ ਵਿਦਿਆਰਥੀਆਂ ਦਾ ਨਤੀਜਾ ਸੌ ਫੀਸਦੀ ਰਿਹਾ ਹੈ। ਉਨਾਂ ਦੱਸਿਆ ਕਿ ਨਤੀਜੇ ਤੋਂ ਬਾਅਦ ਏ ਗ੍ਰੇਡ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸੋਨੇ ਦੇ ਮੈਡਲ, ਬੀ ਗ੍ਰੇਡ ਵਾਲਿਆਂ ਨੂੰ ਚਾਂਦੀ ਮੈਡਲ ਅਤੇ ਸੀ ਗ੍ਰੇਡ ਨੂੰ ਤਾਂਬੇ ਦੇ ਮੈਡਲ ਪਿੰਡ ਦੇ ਸਰਪੰਚ ਬੱਗੂ ਸਿੰਘ ਅਤੇ ਚੇਅਰਮੈਨ ਸੋਹਣ ਸਿੰਘ, ਮੈਂਬਰ ਬਲਵੀਰ  ਸਿੰਘ, ਭਗਵਾਨ ਸਿੰਘ, ਅਧਿਆਪਕ ਕੁਸ਼ਲਿਆ ਰਾਣੀ, ਸੁਰਿੰਦਰ ਸਿੰਘ, ਮੱਖਣ ਸਿੰਘ, ਸੁਖਦੇਵ ਸਿੰਘ ਤੋਂ ਇਲਾਵਾ ਹੋਰਨਾਂ  ਵਲੋਂ ਪਾ ਕੇ ਸਨਮਾਨਤ ਕੀਤਾ ਗਿਆ। ਉਨਾਂ ਸਮੂਹ ਵਿਦਿਆਰਥੀਆਂ ਅਤੇ ਉਨਾਂ ਦੇ ਮਾਪਿਆਂ ਤੋਂ ਇਲਾਵਾ ਅਧਿਆਪਕਾਂ ਨੂੰ ਵਧਾਈ ਦਿੱਤੀ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਭਗਵਾਨ ਸਿੰਘ, ਸੁਨੀਤਾ ਰਾਣੀ, ਛਿੰਦੋ ਬਾਈ, ਰਜਿੰਦਰ ਕੌਰ, ਸੋਮਾ ਰਾਣੀ, ਵਿਦੋ ਬਾਈ ਆਦਿ ਵੀ ਹਾਜ਼ਰ ਸਨ।