ਯੂਨੀਵਰਸਿਟੀ ਵੱਲੋਂ ਓ.ਡੀ.ਐਲ ਅਤੇ ਆਨਲਾਈਨ ਕੋਰਸਾਂ ਦੇ ਦਾਖਲਿਆਂ ‘ਚ 15 ਨਵੰਬਰ ਤੱਕ ਵਾਧਾ

ਅੰਮ੍ਰਿਤਸਰ, 4 ਨਵੰਬਰ (ਸੁਖਬੀਰ ਸਿੰਘ ਖੁਰਮਣੀਆਂ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵੱਲੋਂ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ-ਡਿਸਟੈਂਸ ਦੇ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਓਪਨ ਐਂਡ ਡਿਸਟੈਂਸ ਲਰਨਿੰਗ (ਓ.ਡੀ.ਐਲ) ਅਤੇ ਆਨਲਾਈਨ ਮੋਡ ਅਧੀਨ ਕੋਰਸਾਂ ਵਿੱਚ ਦਾਖਲੇ ਦੀ ਆਖਰੀ 15 ਨਵੰਬਰ 2024 ਤੱਕ ਵਧਾ ਦਿੱਤੀ ਹੈ।
ਵਾਈਸ-ਚਾਂਸਲਰ ਪ੍ਰੋ. (ਡਾ.) ਜਸਪਾਲ ਸਿੰਘ ਸੰਧੂ ਦੀ ਅਗਵਾਈ ਹੇਠ ਯੂ.ਜੀ.ਸੀ-ਡੀ.ਈ.ਬੀ ਤੋਂ ਲੋੜੀਂਦੀਆਂ ਪ੍ਰਵਾਨਗੀਆਂ ਨਾਲ ਡਾਇਰੈਕਟੋਰੇਟ ਆਫ਼ ਓ.ਡੀ.ਐਲ ਅਤੇ ਆਨਲਾਈਨ ਸਟੱਡੀਜ਼ ਦੀ ਸਥਾਪਨਾ ਕੀਤੀ ਗਈ ਹੈ।ਵਰਤਮਾਨ ਸਮੇਂ ਵਿੱਚ ਯੂਨੀਵਰਸਿਟੀ ਵਿੱਚ ਲਗਭਗ 1400 ਸਿਖਿਆਰਥੀ ਵੱਖ-ਵੱਖ ਓਪਨ ਅਤੇ ਡਿਸਟੈਂਸ ਲਰਨਿੰਗ ਅਤੇ ਔਨਲਾਈਨ ਪ੍ਰੋਗਰਾਮਾਂ ਵਿੱਚ ਦਾਖਲ ਹਨ, ਜਿਨ੍ਹਾਂ ਵਿੱਚ ਕੈਨੇਡਾ, ਯੂ.ਕੇ, ਆਸਟ੍ਰੇਲੀਆ, ਯੂਏਈ ਅਤੇ ਯੂਐਸਏ ਵਰਗੇ ਦੇਸ਼ਾਂ ਦੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਵਿਦਿਆਰਥੀ ਸ਼ਾਮਲ ਹਨ।
ਇਹ ਆਨਲਾਈਨ ਪ੍ਰੋਗਰਾਮ ਖਾਸ ਤੌਰ `ਤੇ ਨਾ ਸਿਰਫ਼ ਵਿਦੇਸ਼ਾਂ ਵਿੱਚ ਰਹਿੰਦੇ ਪੰਜਾਬੀ ਡਾਇਸਪੋਰਾ ਨੂੰ ਲਾਭ ਪਹੁੰਚਾਉਣ ਲਈ ਤਿਆਰ ਕੀਤੇ ਗਏ ਹਨ, ਸਗੋਂ ਭਾਰਤ ਜਾਂ ਦੁਨੀਆ ਭਰ ਵਿੱਚ ਕੋਈ ਵੀ ਵਿਅਕਤੀ ਜੋ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਿਚ ਇਸ ਮੋਡ ਰਾਹੀਂ ਉੱਚ ਸਿਖਿਆ ਪ੍ਰਾਪਤ ਕਰਨਾ ਚਾਹੁੁੰਦਾ ਹੈ।
ਯੂਨੀਵਰਸਿਟੀ ਓ.ਡੀ.ਐਲ ਅਧੀਨ 12 ਕੋਰਸ ਪੇਸ਼ ਕਰਦੀ ਹੈ, ਜਿਸ ਵਿੱਚ ਬੀ.ਏ, ਬੀ.ਬੀ.ਏ, ਬੀ.ਲਿਬ. ਬੀ.ਸੀ.ਏ, ਬੀ.ਕਾਮ, ਐਮ.ਬੀ.ਏ, ਐਮ.ਸੀ.ਏ, ਐਮ.ਏ (ਪੰਜਾਬੀ), ਐਮ.ਏ (ਅੰਗਰੇਜ਼ੀ), ਐਮ.ਕਾਮ, ਡਿਪਲੋਮਾ ਇਨ ਕੰਪਿਊਟਰ ਐਪਲੀਕੇਸ਼ਨ ਡੀ.ਸੀ.ਏ ਡਿਪਲੋਮਾ ਸ਼ਾਮਲ ਹਨ।ਸੰਚਾਰ ਹੁਨਰ ਵਿੱਚ ਯੂਨੀਵਰਸਿਟੀ ਓ.ਡੀ.ਐਲ ਮੋਡ ਅਧੀਨ ਕਰਵਾਏੇ ਜਾਂਦੇ 12 ਕੋਰਸ ਜਿਸ ਵਿੱਚ ਬੀ.ਏੇ, ਬੀ.ਬੀ.ਏ, ਬੀ.ਲਿਬ, ਬੀ.ਸੀ.ਏ, ਬੀ.ਕਾਮ, ਐਮ.ਬੀ.ਏ, ਐਮ.ਸੀ.ਏ, ਐਮ.ਏ (ਪੰਜਾਬੀ), ਐਮ.ਏ ਅੰਗਰੇਜ਼ੀ, ਐਮ.ਕਾਮ, ਡਿਪਲੋਮਾ ਇਨ ਕੰਪਿਊਟਰ ਐਪਲੀਕੇਸ਼ਨ ਤੇ ਡਿਪਲੋਮਾ ਇਨ ਕਮਿਊਨੀਕੇਸ਼ਨ ਸਕਿੱਲਜ਼ ਸ਼ਾਮਲ ਹਨ।ਇਸ ਤੋਂ ਇਲਾਵਾ 11 ਆਨਲਾਈਨ ਕੋਰਸਾਂ ਵਿੱਚ ਬੀ.ਏ, ਬੀ.ਕਾਮ, ਬੀ.ਸੀ.ਏ, ਐਮ.ਬੀ.ਏ, ਐਮ.ਬੀ.ਏ (ਐਫ.ਐਮ), ਐਮ.ਬੀ.ਏ (ਐਚ.ਆਰ.ਐਮ), ਐਮ.ਬੀ.ਏ (ਐਮ.ਐਮ), ਐਮ.ਸੀ.ਏ, ਐਮ.ਏ (ਅੰਗਰੇਜ਼ੀ) ਅਤੇ ਐਮ.ਏ (ਪੰਜਾਬੀ) ਸ਼ਾਮਲ ਹਨ।ਕੋਰਸਾਂ ਨੂੰ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ-ਡਿਸਟੈਂਸ ਐਜੂਕੇਸ਼ਨ ਬਿਊਰੋ ਦੁਆਰਾ ਵਿਧੀਵਤ ਪ੍ਰਵਾਨਗੀ ਦਿੱਤੀ ਜਾਂਦੀ ਹੈ।
ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅਤੇ ਯੂ.ਜੀ.ਸੀ ਦੀਆਂ ਹਾਲੀਆ ਨੀਤੀਆਂ ਦੇ ਅਨੁਸਾਰ, ਉਮੀਦਵਾਰਾਂ ਕੋਲ ਹੁਣ ਇੱਕੋ ਸਮੇਂ ਦੋ ਅਕਾਦਮਿਕ ਪ੍ਰੋਗਰਾਮਾਂ ਵਿੱਚ ਦਾਖਲਾ ਲੈਣ ਦਾ ਮੌਕਾ ਹੈ, ਇੱਕ ਫੁੱਲ-ਟਾਈਮ ਫਿਜ਼ੀਕਲ ਮੋਡ ਅਤੇ ਦੂਜਾ ਓ.ਡੀ.ਐਲ ਜਾਂ ਆਨਲਾਈਨ ਮੋਡ ਵਿੱਚ।ਨਿਯਮਤ ਵਿਦਿਆਰਥੀਆਂ ਲਈ ਇੱਕ ਵਾਧੂ ਡਿਗਰੀ ਪ੍ਰਾਪਤ ਕਰਨ ਲਈ ਇੱਕ ਕੀਮਤੀ ਮੌਕਾ ਪ੍ਰਦਾਨ ਕਰਦਾ ਹੈ।
ਓ.ਡੀ.ਐਲ ਅਤੇ ਅਨਲਾਈਨ ਕੋਰਸ ਦੇ ਡਾਇਰੈਕਟਰ ਡਾ. ਸੁਭੀਤ ਕੁਮਾਰ ਜੈਨ ਨੇ ਦੱਸਿਆ ਕਿ ਯੂਨੀਵਰਸਿਟੀ ਨੇ ਏ.ਆਈ ਪ੍ਰੋਕਟੋਰਡ ਵਾਤਾਵਰਣ ਵਿੱਚ ਆਨਲਾਈਨ ਅਧਿਆਪਨ, ਵੀਡੀਓ ਲੈਕਚਰ ਰਿਕਾਰਡਿੰਗਾਂ ਅਤੇ ਪ੍ਰੀਖਿਆਵਾਂ ਦੀ ਸਹੂਲਤ ਲਈ ਕੈਂਪਸ ਵਿੱਚ ਇੱਕ ਸਟੂਡੀਓ ਦੀ ਸਥਾਪਨਾ ਕੀਤੀ ਹੈ।ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਆਪਣੇ ਲਰਨਿੰਗ ਮੈਨੇਜਮੈਂਟ ਸਿਸਟਮ ਦੁਆਰਾ ਸਿਖਿਆਰਥੀਆਂ ਨੂੰ ਅਕਾਦਮਿਕ ਸਹਾਇਤਾ ਵੀ ਪ੍ਰਦਾਨ ਕਰਦੀ ਹੈ, ਜਿਸ ਵਿੱਚ ਸਵੈ ਸਿਖਲਾਈ ਸਮੱਗਰੀ, ਈ-ਕਿਤਾਬਾਂ, ਵੀਡੀਓਜ਼, ਕਵਿਜ਼ ਅਤੇ ਆਨਲਾਈਨ ਚਰਚਾ ਲਈ ਆਨਲਾਈਨ ਪਲੇਟਫਾਰਮ ਸ਼ਾਮਲ ਹਨ।ਡਾ. ਜੈਨ ਨੇ ਦੱਸਿਆ ਕਿ ਯੂ.ਜੀ.ਸੀ-ਡੀ.ਈ.ਬੀ ਦੇ ਨਿਰਦੇਸ਼ਾਂ ਅਨੁਸਾਰ ਓ.ਡੀ.ਐਲ ਅਤੇ ਔਨਲਾਈਨ ਕੋਰਸਾਂ ਲਈ ਦਾਖਲੇ ਦੀ ਆਖਰੀ ਮਿਤੀ ਵਧਾ ਦਿੱਤੀ ਗਈ ਹੈ।
ਪ੍ਰੋ. ਪਲਵਿੰਦਰ ਸਿੰਘ ਡੀਨ ਅਕਾਦਮਿਕ ਮਾਮਲੇ ਨੇ ਕਿਹਾ ਕਿ ਓ.ਡੀ.ਐਲ ਅਤੇ ਆਨਲਾਈਨ ਕੋਰਸ ਖਾਸ ਤੌਰ `ਤੇ ਕੰਮ ਕਰਨ ਵਾਲੇ ਪੇਸ਼ੇਵਰਾਂ ਅਤੇ ਵਿਦੇਸ਼ਾਂ ਵਿੱਚ ਵਸੇ ਪੰਜਾਬੀ ਪ੍ਰਵਾਸੀਆਂ ਲਈ ਲਾਭਦਾਇਕ ਹਨ।