ਜ਼ਿਲੇ ਦੀਆਂ ਮੰਡੀਆਂ ’ਚ 30 ਅਪ੍ਰੈਲ ਤੱਕ 10 ਲੱਖ 53 ਹਜ਼ਾਰ 382 ਮੀਟਰਕ ਟਨ ਕਣਕ ਦੀ ਹੋਈ ਖਰੀਦ

ਖਰੀਦ ਕੀਤੀ ਫ਼ਸਲ ਦੀ ਕਿਸਾਨਾਂ ਨੂੰ 1968 ਕਰੋੜ 14 ਲੱਖ ਦੀ ਹੋਈ ਅਦਾਇਗੀ

ਸੰਗਰੂਰ, 2 ਮਈ (ਜਗਸੀਰ ਲੌਂਗੋਵਾਲ) – ਜ਼ਿਲੇ ਦੀਆਂ ਮੰਡੀਆਂ ਵਿੱਚ ਕਣਕ ਦੀ ਖਰੀਦ ਨਿਰਵਿਘਨ ਚੱਲ ਰਹੀ ਹੈ ਅਤੇ 30 ਅਪ੍ਰੈਲ ਤੱਕ ਵੱਖ-ਵੱਖ ਮੰਡੀਆਂ ਵਿੱਚ 10 ਲੱਖ 56 ਹਜ਼ਾਰ 434 ਮੀਟਰਕ ਟਨ ਕਣਕ ਆਈ ਹੈ।ਜਿਸ ਵਿੱਚੋਂ ਖਰੀਦ ਏਜੰਸੀਆਂ ਵਲੋਂ 10 ਲੱਖ 53 ਹਜ਼ਾਰ 382 ਮੀਟਰਕ ਟਨ ਕਣਕ ਦੀ ਖਰੀਦ ਕਰ ਲਈ ਗਈ ਹੈ।
              ਡਿਪਟੀ ਕਮਿਸ਼ਨਰ ਰਾਮਵੀਰ ਨੇ ਦੱਸਿਆ ਕਿ ਪਨਗਰੇਨ ਵਲੋਂ 4 ਲੱਖ 49 ਹਜਾਰ 566 ਮੀਟਰਕ ਟਨ, ਮਾਰਕਫੈਡ ਵਲੋਂ 2 ਲੱਖ 35 ਹਜ਼ਾਰ 195 ਮੀਟਰਕ ਟਨ, ਪਨਸਪ ਵਲੋਂ 2 ਲੱਖ 32 ਹਜਾਰ 365 ਮੀਟਰਕ ਟਨ, ਪੰਜਾਬ ਸਟੇਟ ਵੇਅਰ ਹਾਊਸ ਕਾਰਪੋਰੇਸ਼ਨ ਵਲੋਂ 1 ਲੱਖ 23 ਹਜਾਰ 110 ਮੀਟਰਕ ਟਨ ਅਤੇ ਐਫ.ਸੀ.ਆਈ ਵਲੋਂ 12755 ਮੀਟਰਕ ਟਨ ਕਣਕ ਦੀ ਖਰੀਦ ਕੀਤੀ ਗਈ ਹੈ।
                   ਉਨਾਂ ਦੱਸਿਆ ਕਿ ਖਰੀਦ ਕੀਤੀ ਕਣਕ ਦੀ 7 ਲੱਖ 66 ਹਜਾਰ 391 ਮੀਟਰਕ ਟਨ ਕਣਕ ਦੀ ਲਿਫਟਿੰਗ ਅਤੇ 1968 ਕਰੋੜ 14 ਲੱਖ ਦੀ ਕਿਸਾਨਾ ਨੂੰ ਆਨਲਾਈਨ ਵਿਧੀ ਰਾਹੀਂ ਅਦਾਇਗੀ ਕੀਤੀ ਗਈ ਹੈ।