ਪੰਜਾਬ ਕਾਲੋਨਾਈਜ਼ਰ ਤੇ ਪ੍ਰਾਪਰਟੀ ਡੀਲਰ ਐਸੋਸੀਏਸ਼ਨ ਨੇ ਸੌਪਿਆ ਮੰਗ ਪੱਤਰ

ਫਾਜਿਲਕਾ ,  16  ਜੁਲਾਈ ( ਵਿਨੀਤ ਅਰੋੜਾ ) –  ਪੰਜਾਬ ਕਾਲੋਨਾਈਜ਼ਰ ਅਤੇ ਪ੍ਰਾਪਰਟੀ ਡੀਲਰ ਐਸੋਸੀਏਸ਼ਨ ਵੱਲੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਮੰਗ ਪੱਤਰ ਪੰਜਾਬ ਸਰਕਾਰ ਦੇ ਨਾਂਅ ਵਧੀਕ ਡਿਪਟੀ ਕਮਿਸ਼ਨਰ ਸ. ਚਰਨਦੇਵ ਸਿੰਘ ਮਾਨ ਨੂੰ ਕੁਲਤਾਰ ਸਿੰਘ ਜੋਗੀ ਪੰਜਾਬ ਪ੍ਰਧਾਨ ਕਾਲੋਨਾਈਜ਼ਰ ਅਤੇ ਪ੍ਰਾਪਰਟੀ ਡੀਲਰ ਐਸੋਸੀਏਸ਼ਨ ਦੀ ਅਗਵਾਈ ਵਿਚ ਸੌਪਿਆ। ਇਸ ਮੌਕੇ ਰਾਮ ਚੰਦ ਫ਼ਾਜ਼ਿਲਕਾ ਪ੍ਰਧਾਨ, ਸੋਨੀ ਸਚਦੇਵਾ, ਸ਼ਿਵ ਕੁਮਾਰ, ਸੋਨੂੰ ਜੁਲਾਹਾ, ਲੱਕੀ ਸਚਦੇਵਾ, ਵਿਨੋਦ ਨਾਰੰਗ, ਮਿਲਖ ਚੁੱਘ, ਕਰਮਜੀਤ, ਸੁਨੀਲ ਕੁਮਾਰ, ਕੁਲਵਿੰਦਰ ਸਿੰਘ, ਮਿਲਨਦੀਪ ਸਿੰਘ ਐਡਵੋਕੇਟ, ਡਿੰਪੀ ਨਾਗਪਾਲ, ਰਾਜੇਸ਼ ਅਹੂਜਾ, ਕਰਨੈਲ ਦਾਸ ਮਹੰਤ, ਹਰਭਗਵਾਨ ਸਰਪੰਚ ਕਬੂਲ ਸ਼ਾਹ, ਵਿਜੇ ਛਾਬੜਾ, ਪਰਮਜੀਤ ਸਿੰਘ ਪੰਮੀ ਆਦਿ ਹਾਜ਼ਰ ਸਨ | ਵਫ਼ਦ ਨੇ ਦਿੱਤੇ ਆਪਣੇ ਮੰਗ ਪੱਤਰ ਵਿਚ ਮੰਗ ਕੀਤੀ ਕਿ ਸ. ਸੁਖਬੀਰ ਸਿੰਘ ਬਾਦਲ ਉਪ ਮੁੱਖ ਮੰਤਰੀ ਪੰਜਾਬ ਨੇ ਲੁਧਿਆਣਾ ਵਿਖੇ ਅਨ ਅਧਿਕਾਰਤ ਕਾਲੋਨੀਆਂ ਦਾ ਜਿਵੇਂ ਤਿਵੇਂ ਦੇ ਅਧਾਰ ‘ਤੇ ਸਾਦਾ ਨਕਸ਼ਾ, ਸਵੈ ਘੋਸ਼ਣਾ ਪੱਤਰ ਅਤੇ ਪ੍ਰਤੀ ਏਕੜ ਪੈਸੇ ਲੈ ਕੇ ਐਨ.ਓ.ਸੀ. ਦੇਣ ਦਾ ਐਲਾਨ ਕੀਤਾ ਸੀ ਅਤੇ ਨਾਲ ਹੀ ਨਵੀਂ ਪਾਲਿਸੀ ਸਰਲ ਸਿੰਗਲ ਵਿੰਡੋ ਕਰਨ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਕਿਹਾ ਕਿ ਪਰ ਹਾਲੇ ਤੱਕ ਇਨ੍ਹਾਂ ਮੰਗਾਂ ਵੱਲ ਧਿਆਨ ਨਹੀ ਦਿੱਤਾ ਗਿਆ। ਉਨ੍ਹਾਂ ਮੰਗ ਕੀਤੀ ਕਿ ਜਿਵੇਂ ਤਿਵੇਂ ਆਧਾਰ ‘ਤੇ ਸਾਦਾ ਨਕਸ਼ਾ, ਸਵੈ ਘੋਸ਼ਣਾ ਪੱਤਰ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਬਿਨਾਂ ਵਿਆਜ, ਬਿਨਾਂ ਜੁਰਮਾਨਾ ਸਾਰੀਆਂ ਦਰਾਂ ਸੋਧ ਕੇ ਸ਼ਹਿਰ ਦੇ ਏਰੀਆ ਵਾਈਸ ਰਜਿਸਟਰੀ ਦੇ ਨਾਲ ਹੀ ਐਨ.ਓ.ਸੀ. ਦੀ ਵਿਵਸਥਾ ਕੀਤੀ ਜਾਵੇ ਅਤੇ ਐਨ.ਓ. ਸੀ. ਦਾ ਸਮਾਂ ਖੁਲਾ ਰੱਖਿਆ ਜਾਵੇ, ਇਸ ਨਾਲ ਅਫ਼ਸਰਾਂ ਦੀ ਦਖ਼ਲ ਅੰਦਾਜ਼ੀ ਤੇ ਖੱਜਲ ਖ਼ੁਆਰੀ ਘਟੇਗੀ।