ਸੋਢੀ ਟੇਲਰ ਵੱਲੋਂ ਕੀਤੀ ਜਾ ਰਹੀ ਹੈ ਲੋੜਵੰਦਾਂ ਲਈ ਮਾਸਕ ਬਨਾਉਣ ਦੀ ਸੇਵਾ

ਧੂਰੀ, 10 ਅਪ੍ਰੈਲ (ਪੰਜਾਬ ਪੋਸਟ – ਪ੍ਰਵੀਨ ਗਰਗ) – ਕੋਰੋਨਾ ਮਹਾਂਮਾਰੀ ਦੇ ਫੈਲੇ ਵਾਇਰਸ ਦੌਰਾਨ ਧੂਰੀ ਦੇ ਇੱਕ ਨੌਜਵਾਨ ਟੇਲਰ ਮਾਸਟਰ ਅਮਰਿੰਦਰ ਸਿੰਘ ਸੋਢੀ ਅਤੇ ਉਸ ਦੇ ਸਹਾਇਕ ਕਾਰੀਗਰਾਂ ਵੱਲੋਂ ਲੋੜਵੰਦ ਲੋਕਾਂ ਨੂੰ ਮਾਸਕ ਬਣਾ ਕੇ ਵੰਡਣ ਦੀ ਸੇਵਾ ਨਿਭਾਈ ਜਾ ਰਹੀ ਹੈ।ਧੂਰੀ ਵਿੱਚ ਖੱਤਰੀ ਸਭਾ, ਮਾਲਵਾ ਫਰੈਂਡਜ਼ ਪਰਿਵਰਤਨ ਸੋਸਾਇਟੀ ਧੂਰੀ, ਸਟੈਪ ਆਨ ਸੋਸਾਇਟੀ ਧੂਰੀ ਆਦਿ ਵਰਗੀਆਂ ਪ੍ਰਸਿੱਧ ਸਮਾਜਸੇਵੀ ਸੰਸਥਾਵਾਂ ਅਤੇ ਨਾਕਿਆਂ ‘ਤੇ ਡਿਊਟੀ ਦੇ ਰਹੇ ਮੁਲਾਜ਼ਮਾਂ ਨੂੰ ਮੁਫਤ ਮਾਸਕ ਵੰਡਣ ਵਾਲੇ ਅਮਰਿੰਦਰ ਸਿੰਘ ਸੋਢੀ ਨੇ ਦੱਸਿਆ ਕਿ ਕਾਰੀਗਰਾਂ ਦੇ ਸਹਿਯੋਗ ਨਾਲ ਉਹ ਹੁਣ ਤੱਕ 2 ਹਜ਼ਾਰ ਤੋਂ ਵੱਧ ਮਾਸਕ ਵੰਡ ਚੁੱਕਾ ਹੈ ਅਤੇ ਮਹਾਂਮਾਰੀ ਦੇ ਦਿਨਾਂ ਵਿੱਚ ਇਹ ਸੇਵਾ ਜਾਰੀ ਰਹੇਗੀ।