ਜਲ੍ਹਿਆਂ ਵਾਲੇ ਬਾਗ ਨੇ ਹੋਕਾ, ਦਿੱਤਾ ਆਣ ਜ਼ਮੀਰਾਂ ਦਾ… ਜਸਪ੍ਰੀਤ ਫਲਕ

ਵਿਰਸਾ ਵਿਹਾਰ ਵਿਖੇ ਸੈਮੀਨਾਰ ਤੇ ਕਵੀ ਦਰਬਾਰ ਦਾ ਆਯੋਜਨ

ਅੰਮ੍ਰਿਤਸਰ, 14 ਅਪ੍ਰੈਲ (ਪੰਜਾਬ ਪੋਸਟ – ਦੀਪ ਦਵਿੰਦਰ) – ਪ੍ਰਗਤੀਸ਼ੀਲ ਲੇਖਕ ਸੰਘ ਅੰਮ੍ਰਿਤਸਰ, ਫ਼ੋਕਲੋਰ ਰਿਸਰਚ ਅਕਾਦਮੀ ਅੰਮ੍ਰਿਤਸਰ ਅਤੇ ਵਿਰਸਾ ਵਿਹਾਰ ਸੁਸਾਇਟੀ ਵਲੋਂ ਪੰਜਾਬ ਕਲਾ ਪਰਿਸ਼ਦ ਚੰਡੀਗੜ੍ਹ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਜਲ੍ਹਿਆ ਵਾਲਾ ਬਾਗ ਦੇ ਸਾਕੇ ਦੀ ਇਤਿਹਾਸਕ ਮਹੱਤਤਾ ਦੇ ਸਬੰਧ ਵਿੱਚ ਸਥਾਨਕ ਵਿਰਸਾ ਵਿਹਾਰ ਵਿਖੇ ਸੈਮੀਨਾਰ ਤੇ ਕਵੀ ਦਰਬਾਰ ਦਾ ਆਯੋਜਨ ਕੀਤਾ ਗਿਆ।ਜਿਸ ਵਿੱਚ ਹਾਜ਼ਰ ਬੁਲਾਰਿਆਂ ’ਤੇ ਸ਼ਾਇਰਾਂ ਨੇ ਇਸ ਸਾਕੇ ਨਾਲ ਜੋੜ ਕੇ ਪੰਜਾਬੀਆਂ ਦੀ ਬਹਾਦਰੀ ਦਾ ਗੁਣਗਾਣ ਕੀਤਾ ਤੇ ਸਾਮਰਾਜੀ ਸਰਕਾਰਾਂ ਦੀਆਂ ਲੋਕ ਵਿਰੋਧੀ ਨੀਤੀਆਂ ਦੀ ਰੱਜ਼ ਕੇ ਨਿੰਦਾ ਕੀਤੀ।
               ਸੈਮੀਨਾਰ ਵਿੱਚ ਕਿਸਾਨ ਆਗੂ ਮਾਸਟਰ ਦਾਤਾਰ ਸਿੰਘ ਨੇ ਕਿਹਾ ਕਿ ਜੇਕਰ ਇਕ ਸਦੀ ਪਹਿਲਾਂ ਲੋਕਾਂ ਤੇ ਤਸ਼ੱਦਦ ਹੁੰਦਾ ਸੀ ਤਾਂ ਅੱਜ ਵੀ ਹਾਲਾਤ ਇਸ ਤੋਂ ਪਰੇ ਨਹੀਂ, ਕਿਉਂਕਿ ਸਖ਼ਤ ਤੋਂ ਸਖ਼ਤ ਕਾਨੂੰਨ ਗਰੀਬ ਲੋਕਾਂ ਲਈ ਅੱਜ ਵੀ ਬਣੇ ਹੋਏ ਹਨ।ਉਹਨਾਂ ਕਿਹਾ ਕਿ ਸਾਡੇ ਭਵਿੱਖ ਬੱਚਿਆਂ ਦਾ ਲਗਾਤਾਰ ਦੇਸ਼ ਚੋਂ ਬਾਹਰ ਜਾਣਾ ਚਿੰਤਾਜਨਕ ਹੈ। ਉਹਨਾਂ ਉਦਾਹਰਨਾ ਸਹਿਤ ਦੱਸਿਆ ਕਿ ਕਿਵੇਂ ਸਾਡੇ ਹਾਕਮ ਲੋਕਾਂ ਵੱਲ ਪਿੱਠ ਕਰਕੇ ਖੜੇ ਹੋਏ ਹਨ। ਡਾ. ਸ਼ਿਆਮ ਸੁੰਦਰ ਦੀਪਤੀ ਤੇ ਲਖਬੀਰ ਸਿੰਘ ਨਿਜ਼ਾਮਪੁਰਾ ਨੇ ਵੀ ਵਿਚਾਰ ਪੇਸ਼ ਕੀਤੇ।ਪ੍ਰਧਾਨਗੀ ਮੰਡਲ ਵਿੱਚ ਉਕਤ ਬੁਲਾਰਿਆ ਤੋਂ ਇਲਾਵਾ ਸ਼ਾਇਰ ਸੁਰਜੀਤ ਜੱਜ, ਰਮੇਸ਼ ਯਾਦਵ, ਭੁਪਿੰਦਰ ਸਿੰਘ ਸੰਧੂ ਸ਼ਾਮਲ ਹੋਏ।
          ਇਸ ਪਿਛੋਂ ਹੋਏ ਸ਼ਾਇਰੀ ਦੀ ਛਹਿਬਰ ਵਿੱਚ ਪੰਜਾਬ ਤੇ ਵੱਖ-ਵੱਖ ਜਿਲ੍ਹਿਆਂ ਤੋਂ ਜਗਵਿੰਦਰ ਜੋਧਾ, ਮਨਜਿੰਦਰ ਧਨੋਆ, ਸੁਨੀਲ ਚੁੰਦਿਆਣਵੀ, ਜਸਪ੍ਰੀਤ ਫ਼ਲਕ, ਮਨਜੀਤ ਪੁਰੀ, ਹਰਮੀਤ ਵਿਦਿਆਰਥੀ, ਤ੍ਰੈਲੋਚਨ ਲੋਚੀ, ਸੁਖਵਿੰਦਰ ਕੌਰ ਰਾਹੀ ਪਟਿਆਲਾ, ਮਨਦੀਪ ਕੌਰ ਪ੍ਰੀਤ, ਜਸਵੰਤ ਹਾਂਸ, ਮਨਜੀਤ ਕੌਰ ਆਦਿ ਸ਼ਾਇਰਾ ਨੇ ਸ਼ਿਰਕਤ ਕੀਤੀ।
           ਸਥਾਨਕ ਅੰਮ੍ਰਿਤਸਰ ਤੋਂ ਸ਼ਾਇਰਾ ਵਿੱਚ ਰਿਤੂ ਵਾਸਦੇਵ, ਕਮਲ ਗਿੱਲ, ਸੁਖਬੀਰ ਅੰਮ੍ਰਿਤਸਰੀ, ਧਰਵਿੰਦਰ ਔਲਖ, ਬਲਜਿੰਦਰ ਮਾਂਗਟ, ਐਡਵੋਕੇਟ ਵਿਸ਼ਾਲ, ਅਜੀਤ ਸਿੰਘ ਨਬੀਪੁਰੀ, ਕਾਜ਼ਲ ਸ਼ਰਮਾ, ਵਜੀਰ ਸਿੰਘ, ਸਿਮਰਤ ਗਗਨ ਨੇ ਕਵਿਤਾਵਾਂ ਸੁਣਾਈਆਂ।ਜਸਪ੍ਰੀਤ ਫਲਕ ਨੇ `ਜਲ੍ਹਿਆਂ ਵਾਲੇ ਬਾਗ ਨੇ ਹੋਕਾ, ਦਿੱਤਾ ਆਣ ਜ਼ਮੀਰਾਂ ਦਾ.. ਨਜ਼ਮ ਪੜੀ ਅਤੇ ਜਗਵਿੰਦਰ ਜੋਧਾ ਨੇ ਹਾਕਮ ਅਜਕਲ ਹਰ ਬਸਤੀ ਵਿਚ ਮੋਦੀਖਾਨਾ ਖੋਲ ਰਿਹਾ ….ਦਰਸ਼ਕਾਂ ਦੇ ਰੂਬਰੂ ਪੇਸ਼ ਕੀਤੀ।
ਗੁਰਬਾਜ਼ ਸਿੰਘ ਛੀਨਾ ਨੇ ਮੰਚ ਸੰਚਾਲਨ ਅਤੇ ਕਰਮਜੀਤ ਕੌਰ ਜੱਸਲ ਨੇ ਸਮਾਗਮ ਵਿੱਚ ਪਹੁੰਚੇ ਵਿਦਵਾਨਾਂ ਤੇ ਲੇਖਕਾਂ ਦਾ ਧੰਨਵਾਦ ਕੀਤਾ।    
             ਇਸ ਮੌਕੇ ਬੀਬੀ ਜਗੀਰ ਕੌਰ ਮੀਰਾਂਕੋਟ, ਪ੍ਰੋ. ਮਧੂ ਸ਼ਰਮਾ, ਪ੍ਰੋ. ਬਰਿੰਦਰ ਸਿੰਘ, ਧਨਵੰਤ ਸਿੰਘ ਸਰਕਾਰੀਆ, ਕਾਬਲ ਛੀਨਾ, ਅਮਰਜੀਤ ਵੇਰਕਾ, ਗੁਰਦੇਵ ਸਿੰਘ ਮਹਿਲਾਂਵਾਲਾ, ਹਰਜੀਤ ਸਿੰਘ ਸਰਕਾਰੀਆ, ਦਿਲਬਾਗ ਸਿੰਘ ਸਰਕਾਰੀਆ, ਸੁਖਰਾਜ ਸਿੰਘ ਛੀਨਾ, ਸਤਿੰਦਰ ਓਠੀ, ਦਿਲਬਾਗ ਸਿੰਘ ਸਰਕਾਰੀਆ ਆਦਿ ਨੇ ਹਾਜ਼ਰੀ ਭਰੀ।