ਪ੍ਰਿੰ. ਜਗਤਾਰ ਸਿੰਘ ਗਿੱਲ ਦੀ ਕਥਾ ਪੁਸਤਕ “ਧੀਆਂ ਵਾਲਾ ਘਰ” ਲੋਕ ਅਰਪਿਤ

ਅੰਮ੍ਰਿਤਸਰ, 26 ਸਤੰਬਰ (ਪੰਜਾਬ ਪੋਸਟ – ਦੀਪ ਦਵਿੰਦਰ) – ਪੰਜਾਬੀ  ਸਭਿਆਚਾਰ ਸਥ ਅਤੇ ਸਾਹਿਤ ਸੰਸਥਾ ਵਲੋਂ ਪ੍ਰਿੰ. ਜਗਤਾਰ ਸਿੰਘ ਗਿਲ ਦਾ ਨਵ-ਪ੍ਰਕਾਸ਼ਿਤ ਕਥਾ ਪੁਸਤਕ “ਧੀਆਂ ਵਾਲਾ ਘਰ” ਲੋਕ ਅਰਪਿਤ ਕੀਤੀ ਗਈ। ਸਥਾਨਕ ਕਾਮਰੇਡ ਸੋਹਣ ਸਿੰਘ ਜੋਸ਼ ਜਿਲਾ ਲਾਇਬ੍ਰੇਰੀ `ਚ  ਹੋਏ ਇਸ ਸਮਾਗਮ ਦਾ ਅਰੰਭ ਲ਼ਾਇਬੇ੍ਰਰੀਅਨ ਡਾ. ਪ੍ਰਭਜੋਤ ਕੌਰ ਸੰਧੂ ਦੇ ਸਵਾਗਤੀ ਸਬਦਾਂ ਨਾਲ ਹੋਇਆ, ਜਦਕਿ ਸਭਾ ਦੇ ਪ੍ਰਧਾਨ ਜਸਬੀਰ ਸਿੰਘ ਵਲੋਂ ਸਮਾਗਮ ਨੂੰ ਲੜੀਬੱਧ ਕੀਤਾ।ਪ੍ਰਧਾਨਗੀ ਮੰਡਲ ਵਿਚ ਸਾਮਲ ਕੇਂਦਰੀ ਸਭਾ ਦੇ ਮੀਤ ਪ੍ਧਾਨ ਦੀਪ ਦੇਵਿੰਦਰ ਸਿੰਘ, ਜਿਲਾ ਭਾਸ਼ਾ ਅਧਿਕਾਰੀ ਡਾ. ਭੁਪਿੰਦਰ ਸਿੰਘ ਮੱਟੂ, ਸਾਬਕਾ ਸਿਖਿਆ ਅਧਿਕਾਰੀ ਜਸਪਾਲ ਸਿੰਘ, ਬਲਕਾਰ ਸਿੰਘ ਵਲਟੋਹਾ, ਸਾਬਕਾ ਪੁਲਿਸ ਅਧਿਕਾਰੀ ਪਰਲਾਦ ਸਿੰਘ ਨੇ ਪੁਸਤਕ ਰਲੀਜ਼ ਕਰਨ ਦੀ ਰਸਮ ਨਿਭਾਈ ਅਤੇ ਲੇਖਕ ਜਸਬੀਰ ਸਿੰਘ ਗਿੱਲ ਨੂੰ ਵਧਾਈ ਦੇਂਦਿਆਂ ਕਿਹਾ ਕਿ ਕਹਾਣੀ ਸਾਹਿਤ ਦੀ ਉਤਮ ਵਿਧਾ ਹੈ, ਜਿਸ ਰਾਹੀਂ ਮਾਨਵੀ ਟੁੱਟ ਭੱਜ ਨੂੰ ਪੇਸ਼ ਕੀਤਾ ਜਾ ਸਕਦਾ ਹੈ।
                ਇਸ ਸਮੇਂ ਹਰਮੀਤ ਆਰਟਿਸਟ, ਕੈਪਟਨ ਰਵੇਲ ਸਿੰਘ, ਹਰਭਜਨ ਖੇਮਕਰਨੀ, ਸਰਬਜੀਤ ਸੰਧੂ, ਮਨਮੋਹਨ ਬਾਸਰਕੇ, ਰਾਜਵਿੰਦਰ ਰਾਜ, ਬਲਜਿੰਦਰ ਮਾਂਗਟ, ਬਲਵਿੰਦਰ ਝਬਾਲ, ਕਰਮ ਸਿੰਘ ਮਾਹਲਾ, ਰਜਿੰਦਰ ਪਾਲ ਕੌਰ, ਕੁਲਦੀਪ ਸਿੰਘ ਜਸਵੰਤ ਸਿੰਘ ਮਜੀਠਾ, ਰਾਜਬੀਰ ਕੌਰ, ਅਮਰਜੀਤ ਕੌਰ, ਬਲਵਿੰਦਰ ਕੌਰ ਆਦਿ ਹਾਜਰ ਸਨ।