ਮਾਲਵਾ ਕਾਲਜ ਦੇ ਅਥਲੀਟਾਂ ਵਲੋਂ 9 ਮੈਡਲਾਂ ‘ਤੇ ਜਮਾਇਆ ਹੱਕ

ਬਠਿੰਡਾ, 4 ਜਨਵਰੀ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ)- ਮਾਲਵਾ ਕਾਲਜ ਬਠਿੰਡਾ ਦੇ ਅਥਲੀਟਾਂ ਨੇ 3 ਜਨਵਰੀ ਨੂੰ ਸੰਪਨ ਹੋਈ 76ਵੀਂ ਸਰਵ ਭਾਰਤ ਅੰਤਰ-ਯੂਨੀਵਰਸਿਟੀ ਐਥਲੈਟਿਕਸ ਚੈਂਪੀਅਨਸਿਪ ਵਿੱਚ 9 ਮੈਡਲ ਪੰਜਾਬੀ ਯੂਨੀਵਰਸਿਟੀ ਦੀ ਝੋਲੀ ਪਾ ਕੇ ਕਾਲਜ ਦੇ ਨਾਂ ਨੁੂੰ ਚਾਰ ਚੰਨ ਲਾਏ। ਇਸ ਕਾਲਜ ਦੀ ਹੋਣਹਾਰ ਅਥਲੀਟ ਜ਼ਸਪ੍ਰੀਤ ਕੋਰ ਨੇ 100 ਮੀਟਰ ਹਰਡਲ ਦੌੜ ਵਿੱਚ ਸੋਨ ਤਮਗਾ ਅਤੇ 4/100 ਦੌੜ ਵਿੱਚ ਸਿਲਵਰ ਮੈਡਲ ਪੰਜਾਬੀ ਯੂਨੀਵਰਸਿਟੀ ਦੀ ਝੋਲੀ ਪਾਇਆ। ਇਸ ਕਾਲਜ ਦੀ ਪ੍ਰਤਿਭਾਸ਼ਾਲੀ ਅਥਲੀਟ ਨਿਸ਼ਾ ਨੇ ਹੈਮਰ ਥਰੋ ਵਿੱਚ ਚਾਂਦੀ ਦਾ ਤਮਗਾ ਪ੍ਰਾਪਤ ਕੀਤਾ ਅਤੇ ਟਵਿੰਕਲ ਚੋਧਰੀ ਨੇ 4/400 ਦੌੜ ਵਿੱਚ ਚਾਂਦੀ ਦਾ ਤਮਗਾ ਪ੍ਰਾਪਤ ਕੀਤਾ। ਪੁਰਸਾਂ ਦੇ ਵਰਗ ਵਿੱਚ ਕੰਬਰਦੀਪ ਸਿੰਘ ਨੇ 200 ਮੀਟਰ ਅਤੇ 4/400 ਮੀਟਰ ਰੀਲੇਅ ਦੌੜ ਵਿੱਚ ਚਾਂਦੀ ਦੇ ਤਮਗੇ ਪ੍ਰਾਪਤ ਕਰਕੇ ਯੂਨੀਵਰਸਿਟੀ ਅਤੇ ਕਾਲਜ ਦਾ ਮਾਨ ਵਧਾਇਆ। ਇਸੇ ਤਰ੍ਹਾਂ ਜਸਦੀਪ ਸਿੰਘ ਨੇ 400 ਮੀਟਰ ਅਡੀਕਾਂ ਦੌੜ ਅਤੇ 4/400 ਦੌੜ ਵਿੱਚ ਚਾਂਦੀ ਦੇ ਤਗਮੇ ਆਪਣੇ ਨਾ ਕੀਤੇ।ਕਾਲਜ ਦੀ ਸਮੁੂੱਚੀ ਮੈਨੇਜ਼ਮੈਂਟ, ਪ੍ਰਿੰਸੀਪਲ ਅਤੇ ਸਮੁੂਹ ਸਟਾਫ ਅਤੇ ਵਿਦਿਆਰਥੀਆਂ ਨੇ ਅਥਲੀਟਾਂ ਨੂੰ ਅੰਤਰ-ਯੂਨੀਵਰਸਿਟੀ ਚੈਂਪੀਅਨਸਿੱਪ ਵਿੱਚ ਮੈਡਲ ਪ੍ਰਾਪਤ ਕਰਨ ਤੇ ਵਧਾਈ ਦਿੱਤੀ।