ਅਨਾਜ ਮੰਡੀ ਵਿਚ ਅੱਗ ਦੇ ਮਾਮਲੇ ਵਿਚ ਸਬੰਧਤ ਆੜਤੀਏ ਨੂੰ ਨੋਟਿਸ ਜਾਰੀ

ਫਾਜ਼ਿਲਕਾ, 28 ਅਪ੍ਰੈਲ (ਵਨੀਤ ਅਰੋੜਾ)- ਸਥਾਨਕ ਅਨਾਜ ਮੰਡੀ ਵਿਚ ਕਣਕ ਦੀਆਂ ਬੋਰੀਆਂ ਨੂੰ 26 ਅਪ੍ਰੈਲ 2016 ਨੂੰ ਅੱਗ ਲੱਗਣ ਦੇ ਮਾਮਲੇ ਵਿਚ ਮਾਰਕਿਟ ਕਮੇਟੀ ਫਾਜ਼ਿਲਕਾ ਵੱਲੋਂ ਸਬੰਧਤ ਆੜਤੀਏ ਨੂੰ ਲਾਪਰਵਾਹੀ ਲਈ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਮਾਰਕਿਟ ਕਮੇਟੀ ਦੇ ਸਕੱਤਰ ਸ: ਪ੍ਰੀਤਕੰਵਰ ਸਿੰਘ ਬਰਾੜ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਦੁਰਘਟਨਾ ਵਿਚ ਕਣਕ ਦਾ ਕੋਈ ਨੁਕਸਾਨ ਨਹੀਂ ਹੋਇਆ ਸੀ ਅਤੇ ਕੇਵਲ ਬਾਰਦਾਨੇ ਦਾ ਹੀ ਨੁਕਸਾਨ ਹੋਇਆ ਸੀ। ਨਾਲ ਹੀ ਆੜਤੀਏ ਨੂੰ ਇਹ ਵੀ ਤਾਕੀਦ ਕੀਤੀ ਗਈ ਹੈ ਕਿ ਉਸ ਵੱਲੋਂ ਬਾਰਦਾਨੇ ਦੀ ਨੁਕਸਾਨ ਦੀ ਭਰਪਾਈ ਲਈ ਕਿਸਾਨ ਤੇ ਕੋਈ ਬੋਝ ਨਹੀਂ ਪਾਇਆ ਜਾਵੇਗਾ। ਉਨ੍ਹਾਂ ਨੇ ਸਮੂਹ ਆੜਤੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਣਕ ਦੀ ਸਫਾਈ ਆਦਿ ਸਮੇਂ ਸਾਵਜ਼ਾਨੀ ਰੱਖਣ ਤਾਂ ਜੋ ਸਾਰਟ ਸਰਕਟ ਆਦਿ ਕਾਰਨ ਮੁੜ ਤੋਂ ਕੋਈ ਹਾਦਸਾ ਨਾ ਹੋਵੇ।