Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Friday, February 22, 2019
ਤਾਜ਼ੀਆਂ ਖ਼ਬਰਾਂ

ਵਿਰਸਾ

ਇਹ ਸਮਾਂ ਹੈ ਕੈਸਾ ਆਇਆ ਓ ਲੋਕੋ
ਅਸੀ ਵਿਰਸਾ ਆਪਣਾ ਭੁਲਾਇਆ ਓ ਲੋਕੋ।

ਪਿੰਡ ਦੀ ਧੀਅ ਭੈਣ ਦੀ ਇੱਜ਼ਤ ਸਾਰੇ ਕਰਦੇ ਸੀ,
ਅੱਖ ਚੁੱਕ ਕੇ ਵੇਖਣ ਤੋਂ ਸਾਰੇ ਹੀ ਡਰਦੇ ਸੀ।
ਆਪਣੇ ਹੀ ਸੀ ਸਾਰੇ ਨਾ ਕੋਈ ਪਰਾਇਆ ਸੀ ਲੋਕੋ,
ਇਹ ਸਮਾਂ ਹੈ ਕੈਸਾ…

ਲੱਭਦੇ ਨਾ ਖੂਹ ਤੇ ਟਿੰਡਾਂ, ਨਾ ਬਲਦ ਟੱਲੀਆਂ ਵਾਲੇ,
ਠੰਡੀਆਂ ਛਾਵਾਂ ਵਾਲੇ ਰੁੱਖ ਨਹੀਂ ਲੱਭਦੇ ਕਿਧਰੋਂ ਭਾਲੇ।
ਅਸੀ ਹੱਥੀਂ ਵੱਢ ਕੇ ਛਾਵਾਂ ਨੂੰ ਮਿਟਾਇਆ ਓ ਲੋਕੋ,
ਇਹ ਸਮਾਂ ਹੈ ਕੈਸਾ…

ਕਿੱਥੇ ਗਏ ਤਿ੍ਰੰਝਣ, ਸਖੀਆਂ ਸਹੇਲੀਆਂ ਮਿਲਦੀਆਂ ਨੀ,
ਚਾਦਰਾਂ ਉਤੇ ਕੱਢ ਕਸੀਦੇ, ਫੁੱਲ ਕਲੀਆਂ ਖਿਲਦੀਆਂ ਨੀ।
ਹੁਣ ਸਾਰਾ ਕੰਮ ਮਸ਼ੀਨਾਂ ਹੱਥ ਆਇਆ ਓ ਲੋਕੋ,
ਇਹ ਸਮਾਂ ਹੈ ਕੈਸਾ…

ਚਾਟੀ ਵਾਲੀ ਪੀ ਕੇ ਲੱਸੀ, ਖੂਬ ਨਜ਼ਾਰੇ ਆਉਂਦੇ ਸੀ,
ਸਾਗ ਸਰ੍ਹੋਂ ਦੇ ਵਿੱਚ ਮੱਖਣ ਬੜਾ ਰਲਾਉਂਦੇ ਸੀ।
ਮੱਕੀ ਦੀ ਖਾ ਕੇ ਰੋਟੀ, ਬੜਾ ਨਜ਼ਾਰਾ ਆਇਆ ਓ ਲੋਕੋ,
ਇਹ ਸਮਾਂ ਹੈ ਕੈਸਾ…

ਸੰਗ ਸ਼ਰਮ ਤੇ ਚੁੰਨੀ, ਸਿਰ ਉਤੋਂ ਲਹਿ ਗਈ ਏ,
ਬਿਊਟੀ ਪਾਲਰਾਂ ਵਿੱਚ ਪਰਾਂਦਾ ਲਾਹ ਕੇ ਬਹਿ ਗਈ ਏ।
ਕੈਸਾ ਚੰਦਰਾ ਫੈਸ਼ਨ ਲੋਕਾਂ ਅਪਣਾਇਆ ਓ ਲੋਕੋ,
ਇਹ ਸਮਾਂ ਹੈ ਕੈਸਾ…

ਮੁਕਤਸਰ ਵਾਲੀ ‘ਸੁੱਖੀ’ ਨੇ ਗੀਤ ਬਣਾਇਆ ਓ ਲੋਕੋ,
ਇਹ ਸਮਾਂ ਹੈ ਕੈਸਾ ਆਇਆ ਓ ਲੋਕੋ…।

Sukhwinder Sukhi

 

 

 

 

 

 

 

ਸੁਖਵਿੰਦਰ ਸੁੱਖੀ
ਸ੍ਰੀ ਮੁਕਤਸਰ ਸਾਹਿਬ।
ਮੋਬਾਈਲ : 98760-81745

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>